「台灣最美後花園」台東巨型旅行箱快閃登陸香港　一解「思鄉」之愁！

今年因為疫情關係，打斷咗大家所有旅行計畫，令旅遊業大受影響，有見及此，唔少國家就因應疫情風險程度對風險較低嘅國家推行旅遊新常態「旅遊泡泡」，協商開放邊境，許可旅客、學生、商務人士等入境，入境後不必進行14天或更長天數嘅檢疫、隔離，達成互利互惠的效益，希望能藉此重振觀光。雖然香港同台灣之間嘅旅遊泡泡就仲未成型，但為一解大家嘅「思鄉」之愁，台東縣政府就搶先喺香港舉行一連五日嘅快閃體驗活動。

台灣早前就將香港列為中低風險地區，但就一直未有兩地之間嘅旅遊泡泡計劃，不過唔緊要，事關由聽日起，有台灣後花園之稱嘅臺東縣政府將搶先喺旅遊解禁前，將台東嘅山海景色及人文風情全部放入巨型「臺東旅行箱」中，並於 2020 年 11 月 25 日至 11 月 29 日，一連五日快閃現身樂富購物中心。

Photo from taitunglifestyle.tw

今次嘅快閃活動將台東嘅生活風格、山海景色及人文風情全部打包放入「臺東旅行箱」，包括獲得世界知名旅遊頻道 Travel Channel 入選為世界 12 處令人驚艷嘅「熱氣球嘉年華活動」、台灣最長海岸線雕刻出嘅山海美景、七大原住民族獨一無二嘅文化魅力，仲有台東最迷人嘅慢活日常，準備好同大家「開箱」台東之美。

Photo from taitunglifestyle.tw

「臺東旅行箱」現場更設有「VR 遊臺東抽機票」大獎活動，大家可以透過三分鐘嘅實境 VR 體驗，感受台東嘅空氣、美景和慢活氛圍！

Photo from taitunglifestyle.tw

當然唔少得台東嘅名產、紀念運動毛巾同熱氣球等趣味互動遊戲，畀大家一解「思鄉」之愁喇！

Photo from 臺灣國際熱氣球嘉年華

想了解更多，大家可以到活動官網（link）查詢喔～

臺東旅行箱
地點：樂富購物中心
時間：2020 年 11 月 25 日至 11 月 29 日

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）