日本「不可思議空間」復古哲學屋Cafe　古董畫框變身食物傳遞窗！

唔少人去旅行都會行吓博物館或者揀間靚靚 Cafe chill吓，而喺日本亦有唔少打卡必到嘅 Cafe，如果大家對復古/古董情有獨鍾，咁今次間依間 Cafe 你就絕對唔可以錯過喇！日本香川縣依間「てつがく屋」就因為一面畫框牆而喺 Twitter 爆紅。

「てつがく屋」位於日本香川縣嘅多度津町，係當地一間好有特色以復古設計嘅古董雜貨家具 cafe 嚟。

Cafe 由 1962 年建造嘅信用金庫翻修而成。由於位置偏離主街道，加上門外又冇誇張嘅門牌，而且因為店內擺滿咗昂貴嘅裝飾，所以 Cafe 係禁止未滿高中嘅學生進入，因此亦有「大人們的秘密咖啡館」之稱。

店內擺有刻著歷史痕跡嘅人偶以外，亦有唔少一看就知係充滿故事嘅古董物件，每樣都係店主精心挑選後親自擺放喺店內嘅，就好似外國收藏蒐集各式珍品「不思議的房間」一樣，令人仿如置身於唔同嘅世界一般，令你心情感覺到舒適與放鬆。

而除咗佈置懷舊之外，最特別嘅就係早前佢哋喺廚房 bar 枱位置加上以畫框造成嘅牆，睇住咖啡師將餐點由畫框遞出，感覺好特別呀！

香川の多度津町にある蒐集古物喫茶「てつがく屋」はカウンターとキッチンの間が額装になっていて絵の中からお茶やケーキを提供してもらえる。向こう側を覗くたび景色が変わる不思議空間にすっかり心奪われ気付けば2時間も居座ってしまった…これはフェチ心のど真ん中に刺さります… #瀬戸大橋を渡ろう pic.twitter.com/rJoWI34ja0

— noci (@nocci_95) November 29, 2020

Cafe 仲會定期舉辦與哲學書面對面，邊培養閱讀能力邊進行討論的「哲學讀書會」，和談論一個主題嘅「哲學對話會」呢添。

有興趣去睇吓嘅大家，就記得 mark 定遲啲去喇！

Tetugakuya (哲學屋)
地址：香川県仲多度郡多度津町東浜２−２２
電話：05058973829
營業時間：13:00〜19:00（另有不定休 請於官方FB確認）
公休日：每週一～三
交通：：JR多度津站徒步約15分