日本研究指茶類飲品可降低新冠病毒傳染力　將新冠病毒「無害化」

根據日本傳媒報導，日本奈良縣立醫科大學研究團隊發現有部分日本售賣嘅茶類飲品可以降低新冠病毒傳染力，降低病毒量高達 99% ！

根據日媒報導，日本奈良縣立醫科大學研究團隊發現有部分日本市面上售賣嘅茶類飲品可以令新冠病毒「無害化」。團隊以市面購買嘅樽裝綠茶、紅茶及奈良製「大和茶」等茶類飲品做實驗，將病毒液體倒入茶中，並加以觀察。

Photo from Pinterest

Photo from Pinterest

結果有驚人發現，有紅茶樣本可以喺 1 分鐘後將病毒量減少 99%，10 分鐘後減少 99.9%，30 分鐘後甚至減少咗 99.99%！而「大和茶」同樣可將病毒量減少 99.9%，其中一種樽裝綠茶亦可將病毒量減少 99%，不過另一款樽裝綠茶就冇任何效果。

Photo from Pinterest

Photo from Pinterest

奈良縣立醫科大學教授矢野壽一表示，有啲茶可以令病毒失去傳染力，有啲茶就唔得，而令到病毒「無害化」嘅原因可能同茶入面嘅「兒茶素」有關，因為過去有研究發現「兒茶素」可以減弱流感病毒嘅傳染力，所以或者對新冠病毒都同樣有效。不過目前呢項研究仲係處於基礎階段，未知對人體係咪真係有效果。

Photo from Pinterest

Photo from Pinterest

奈良縣立醫科大學 MBT 研究所所長細井裕司表示，呢項發現可能會成為市民聚餐時嘅防疫方法，希望可以進一步研究。

如果研究真係成功，一定會對防疫有好大幫助，不過到時會唔會掀起「搶茶熱潮」？！

資料來源：Yahoo Japan、讀賣新聞

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）