翻新轉型！日本新宿膠囊旅館奇招吸客　打通上下鋪變身

今年各國都因疫情關係而令旅遊業大受影響，令唔少相關行業出現結業/裁員潮。不過喺日本一間位於新宿嘅膠囊旅館就諗到依個奇招轉型，變成獨立工作間，喺疫市中尋找新出路。

依間位於日本新宿嘅膠囊旅館-安心お宿，其實喺疫情期間曾一度暫停營業，而原本已有打算結業嘅佢哋，最近就完成翻新工程，將旅館變成獨立工作間，並推出全新租房套餐。

旅館將原本嘅分為上下鋪嘅膠囊打開，再喺入面放入工作枱櫈，形成獨立工作空間。不過喺外觀同功能上就冇太大嘅改變，膠囊嘅上/下門簾大家都可以自行決定是否需要拉上，進一步加強私隱度。

獨立工作間除咗設有 Wi-Fi、電腦、打印機外，如果租用全天仲可享用漫畫及飲料區。

至於收費方面，租用一小時只需 500 円（約 HKD $37），男士更可加 500 円享用人工溫泉，價錢相當親民，唔晒一班唔方便喺屋企工作打工仔呀！

唔知喺香港又 work 唔 work 呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）