【全民造星3】許廷鏗評語高質一針見血獲激讚！Judas聽後受激勵忍唔住爆喊

《全民造星3》今個星期加入5位新評判，其中許廷鏗（Alfred）嘅點評一語中的，中肯又具體獲網民大讚高質。佢對A組Judas（羅凱鈴）嘅評語更令對方爆喊！

《全民造星3》追看熱潮不斷，而賽事亦進入白熱化階段，今個星期更請嚟5位新評判加入，令節目更有話題性。

5位新加入嘅評判除咗黃珍珍之外，仲有「巨星幫」出身嘅許廷鏗嘅評語亦成為焦點。

Photo from 許廷鏗Facebook

喺新播出嘅一集中，A組嘅Judas（羅凱鈴）有淘汰危機，當表演完《我們》之後，許廷鏗無忽略到擔任支援角色嘅Judas，反而認真評價、鼓勵佢。

Photo from 《全民造星3》

Alfred話：「Judas我認識你，唔係一個咁容易將情感攞出嚟嘅人，但你選擇咗做一個supporting cast，呢樣嘢你一定要記住，呢啲嘢喺唱歌上面一定有用」

Photo from 《全民造星3》

佢指真正令到觀眾中意係一個有血有肉嘅人，展示出自己最真實嘅情感，許廷鏗又話：「其他人某程度上為咗自己努力之外都為咗你。」一番說話令Judas忍唔住爆喊。

Photo from 《全民造星3》

喺之後嘅《黑魔法愛情研究所》演出，Judas明顯受到激勵，自信好多，表現亦都獲其他評判認同。

Photo from 《全民造星3》

許廷鏗感動指：「我頭先講嘅嘢有冇白費，你要欣賞自己內在嘅改變」，最終A組更勝出。

Photo from 《全民造星3》

Photo from 《全民造星3》

網友大讚許廷鏗評語中肯又有營養，而且一語中的，真係可以令參賽者有所得著，佢喺Facebook中表示：「曾經也是在歌唱比賽舞台上打拼過，以為有經驗可以好抽離的做個專業評判，甚至自以為洞悉到有哪些其實是節目效果，不用太在意出來的結果，想不到我一開始講那種對演出的”attachment”，除了我想參賽者有，原來不知不覺我自己都有，被參賽者跟導師的”sincere”帶動，一不小心，意想不到的投入進去。」

Photo from 許廷鏗Facebook

《我們》表演片段：

《黑魔法愛情研究所》表演片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）