一文睇清 3 款新冠疫苗分別　輝瑞初步定價約 $150 防護率達 95%

By Ella on 16 Dec 2020

Digital Content Writer

早前港府宣布已同科興控服生物技術公司（Sinovac）及復星醫藥、德國藥廠 BioNTech 及輝瑞藥廠（Pfizer）達成協議，亦即將與 AstraZeneca 達成協議，首批疫苗預計最快明年 1 月到港，港人好快就有新冠疫苗可以接種。

Photo from AstraZeneca

港府購入嘅呢 3 款疫苗喺價錢、防護率及存放時間等方面都有唔同，而首批疫苗預計最快明年 1 月到港，預料首批疫苗先由醫護人員、長者及高危人士接種。

Photo from AstraZeneca

3 款新冠肺炎分別：
#科興疫苗
中國科興研發嘅新冠疫苗「克爾來福」係滅活疫苗，用已經殺滅嘅病原體製成，透過其中嘅抗原誘導細胞產生免疫，而疫苗嘅防護率就尚未公布。疫苗嘅儲存溫度要喺攝氏 2 度至 8 度，而存放時間係 2 年至 3 年。滅活疫苗嘅優點在於保存運輸比較容易，需接種 2 針，而疫苗定價仍未決定，但根據早前內地接種呢款疫苗嘅價格，大約港幣 $480。

Photo from Pinterest

#輝瑞疫苗
德國 BioNTech、美國輝瑞研發嘅疫苗係一種核糖核酸疫苗，透過抽取病毒嘅部分核糖核酸蛋白製成，可以令免疫系統製造抗體，採用嘅係 mRNA 技術。疫苗嘅防護率達 95%，儲存溫度要喺攝氏零下 70 度，若儲存於攝氏 2 度至 8 度，只可存放 5 日，超低溫可存放半年。呢款疫苗同樣需接種 2 針，而疫苗初步定價約 $150。

Photo from Pinterest

#AstraZeneca 疫苗
英國牛津、AstraZeneca 研發嘅疫苗係一種腺病毒載體疫苗，將以基因改造過嘅病毒載體注入體內，從而令免疫系統產生抗體。疫苗嘅防護率係 70%，儲存溫度要喺攝氏 2 至 8 度，存放時間約 1 個月。呢款疫苗嘅優點在於保存運輸相對容易，疫苗需接種 2 針，而初步定價大約係 $30。