梁詠琪曬 20 年前後對比照被讚一模一樣　網民：這是吃了防腐劑吧

梁詠琪近日喺微博發文貼出一張 20 年前後對比照，相中梁詠琪攞住 20 年前嘅國語專輯《短髮》合照，一樣嘅髮型，一樣嘅笑容，網民大讚依然咁靚！

梁詠琪自從 2011 年與西班牙籍丈夫結婚後，逐漸淡出娛樂圈，2015 年混血女兒 Sofia 出生，梁詠琪將重心放喺家庭，好少再出現喺幕前。

Photo from 梁詠琪微博

Photo from 梁詠琪微博

近日梁詠琪喺微博發文，貼出一張攞住自己 20 年前第一張國語專輯《短髮》嘅對比照，Gigi 仲寫道：「今天重溫多年短髮造型時，無意中對比了一下現在的我，和以前第一張國語專輯的模樣...發現這一頭短髮不經不覺已經陪伴你我成長 20 年，而且剛巧也是一襲淡黃衣、帶著同一個微笑、同一個眼神，繼續做個熱愛生命熱愛生活的短髮女孩」。

Photo from 梁詠琪微博

Photo from 梁詠琪微博

相中嘅梁詠琪同專輯封面一樣著住黃色衫，一樣嘅短髮、笑容，44 歲嘅佢同 20 年前一樣，依然咁靚，好多網民一睇到張相都大讚 Gigi 冇變過，「20 年過去了，還是沒甚麼變化，依舊那麼年輕漂亮」、「20 年前後無區別，這是吃了防腐劑吧，你說是同一天拍的我都信」、「幾乎沒變，一樣自然清純的美」、「唯一改變的是時間卻還沒改變容顏」。

Photo from 梁詠琪微博

Photo from 梁詠琪微博

Photo from 梁詠琪微博

Photo from 梁詠琪微博

梁詠琪真係同 20 年前一樣咁靚，特別係個笑容，一啲都冇變過！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）