【消委會電暖氈使用貼士】電熱氈可以成日洗？消委會10個安全使用小貼士　做錯依個隨時出意外

電暖氈可以話係唔少怕凍人士嘅冬天必備之物嚟，但大家喺做電暖氈時又用得啱唔啱呢！早前消委會教咗大家喺使用電暖氈時嘅 10 個安全小貼士，等大家喺依個強烈寒潮襲港時可以安心又舒適咁瞓一覺，而其中有一件事係千萬唔可以做嘅，否則隨時燒毀。

相信大家今日出門都著多咗衫，而據天文台預測依兩日香港受強烈寒潮影響，今年最後兩日顯著降溫，市區最低氣溫只有 7 度。依啲咁凍嘅日子，大家除咗出街著多咗衫外，唔少人喺瞓覺時仲會用上電暖氈暖床溫被窩，等瞓覺時可以全程都「暖笠笠」。

不過喺用電暖氈時都有唔少使用安全要注意，例如如果電暖氈過熱就會容易燙傷皮膚，甚至起火。早前消委會就明確指引出「正常使用」電暖氈嘅注意事項，跟着指引咁用就可以保障安全喇！

1. 尺寸
消費者應根據床鋪尺寸選擇電熱氈嘅大小，切勿弄皺或把電熱氈捲曲、摺疊使用，以免損壞內部發熱線或造成散熱不良而引起燃燒。

2. 勿用厚物覆蓋
可喺電熱氈上鋪上床單，以防弄污。但切勿鋪上床墊，因為咁會令產品散熱不良，令電熱氈過熱而損壞。

3. 勿同時使用暖水袋
切勿與暖水袋一同使用，以免不慎弄濕電熱氈。

4. 刺穿電暖氈
唔好將扣針或其他尖銳物件刺入電熱氈及勿讓貓狗等寵物留喺氈上，因寵物嘅爪可能會損壞發熱線。

5. 瞓時調低溫度
電熱氈溫度一般喺攝氏 40 至 60 度之間，但由於接觸時間長，會容易造成燙傷。因此大家應該喺入睡前將電熱氈調校至低溫，尤其喺睡前服用過藥或飲酒後嘅人。

6. 勿長時間插住電源
用後最好就係拔除插頭，確保電暖氈關閉，以策安全。

7. 定時檢查有否損壞
根據安全標準，於最低溫度設定下，電熱氈的氈面溫度不應超過 37 度，但過去有測試樣本中得出電暖氈溫度為 41.7 度，稍為超過標準限制。此外，一旦發現電熱氈過熱、氈面有焦黑痕迹、電線損壞、內部發熱線移位等損壞迹象，就必須即時停止使用，並從電源插座拔出插頭。

8. 3 歲以下幼兒及行動不便者不宜使用
3歲以下幼童、行動不便、長期卧床或對熱不敏感嘅人士不宜使用電熱氈，因為一旦發生意外，他們未必能迅速作出反應。而 3 歲以上但仍然年幼嘅兒童，則除非有家長在旁照顧，否則亦不宜使用電熱氈。

9. 不宜過度清洗電熱氈
並非所有電熱氈都可以手洗或機洗。除咗清洗前切記先拆除電源線，避免弄濕控制器，其實亦不宜過度清洗電熱氈，以免發熱線移位，導致使用時出現過熱或溫度不均嘅情況。

大家用電暖氈時記得注意喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）