【附7大食用禁忌】連續食10日有助增強抵抗力？一款平民食材唔止營養高仲有效阻止病毒入侵

今年冬季大家除咗要抗疫外，預防流感都好重要，而預防嘅最好方法梗係提高自身嘅免疫力喇！日本節目《ジョブチューン》上就同大家介紹咗一款平民食材，指其含有高 LPS 及鈣黏蛋白成分，有效阻止病毒、花粉等從呼吸道的黏膜入侵身體，如果連續食 10 日仲會明顯嘅功效！

每年嘅 1 月至 5 月都係香港嘅冬季流感高峰期，每年感染流感人數都會過百，加上今年又有疫情，雙重夾擊下，增強自身嘅免疫力，可以話係必要任務嚟！免疫力係身體內嘅防衛機制，有良好嘅免疫力先可以抵抗病毒入侵，而免疫細胞則喺體內阻止惡細胞嘅增長及減低對健康嘅影響。

打個比喻，免疫力低嘅人，細胞只能夠吸入極小量嘅病毒、細菌。相反，免疫力高嘅人，就可以吸入大量會影響健康嘅病毒，然後消滅。

而喺節目中提及嘅 LPS（脂多糖），就係一種可以激發免疫細胞活動嘅成分嚟，而 LPS 一般多存在喺蔬菜、水果之中。當人體吸收適量嘅 LPS 則可有助體內嘅免疫細胞更活躍，從而增強抵抗力，擊退病菌、病毒。

不過大家唔好誤會，節目中介紹對提升免疫力極有幫助嘅食材，並唔係啲咩珍貴食材，而係超平民化平時都會經常食到嘅 - 蓮藕！蓮藕中嘅 LPS 含量比芋頭、紅蘿蔔高 6 倍，而且亦含有鈣黏蛋白成分，有效阻止病毒、花粉等從呼吸道嘅黏膜入侵身體。

Photo from Pinterest

但都唔係食得多就代表好嘅，俗語都有話「少食多滋味，多食壞肚皮」，每人每日嘅攝取量只需要 100g 就已經好足夠。而且更指出如果想更有效吸收 LPS，就連蓮藕節同皮都唔可以放過，事關佢哋嘅 LPS 含量比起肉多 5 倍！

節日中更搵嚟 6 位測試者喺連續 10 日進食含有蓮藕嘅菜式，結果發現測試者嘅體內活躍免疫細胞比例提升最多超過 20 倍！由此可見，蓮藕真係一種又平又健康嘅食材嚟！

Photo from Pinterest

雖然蓮藕嘅食用價值高，但都啲食用禁忌要注意㗎！以下就整理咗 8 大禁忌畀大家參考：

1、盡量避免生食
蓮藕容易存寄生有薑片蟲，很容易引起薑片蟲病。脾虛胃寒者、易腹瀉者不宜生食。

Photo from Pinterest

2、發黑、有異味的藕不宜食用
應挑外皮呈黃褐色，肉肥厚而白，無傷無爛無銹斑未變色嘅蓮藕。

3、忌用鐵器烹煮
以免令蓮藕喺烹煮過程中變黑。

4、切過嘅蓮藕不宜直接存放
沒切過嘅蓮藕喺室溫中可存放一周左右，但因蓮藕容易變黑，切面部分容易腐爛，所以切過嘅蓮藕需喺切口處包上保鮮膜後放入雪櫃，即可冷藏保鮮一星期左右。

Photo from Pinterest

5、高血糖、糖尿病患者不宜多食
蓮藕嘅熱量雖然唔高，但碳水化合物含量高，如果食用過量，容易導致血糖升高，不利於控制血糖。

6、產婦不宜太早吃蓮藕
蓮藕特別適宜吐血者、高血壓、肝病、食欲不振、缺鐵性貧血、營養不良者，但蓮藕偏涼，所以產婦不宜過早食用。

7、大豆、白蘿蔔、豬肝不宜一同食用
大豆中含有豐富嘅鐵質，而蓮藕中嘅纖維素會影響人體對鐵嘅吸收，所以不宜一齊食用。而白蘿蔔同蓮藕都是寒性食材，所以冬天一起食嘅話，小心愈食愈冷。

Photo from Pinterest

綜合而言，只要控制好食用量就冇問題喇～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）