《Overcooked》航空版！最新 Switch 考驗友情遊戲《Shakes on a Plane》4人合力送餐完成任務

提到考驗友誼嘅 Game，大家一定會第一時間諗起依隻依隻《Overcooked！》，而隨住愈嚟愈多依類型嘅遊戲如：《Moving Out》、《Tools Up!》等出現都大受歡迎，最近又有一隻類似嘅 switch 遊戲喇！依隻《Shakes on a Plane》以玩家扮演空中服務員為客人送餐為主題，需要大家合力完成任務過關，相信又係考驗大家友誼嘅時候喇！

《Shakes on a Plane》係一款以飛行中航班為遊戲背景，可供 1 至 4 人一齊玩，玩家要扮演空中服務員，喺飛行中嘅飛機上，為客人送上奶昔、漢堡、炸薯條等各種餐點，需喺飛機降落前獲得客人嘅高評價。

就咁睇就好似好簡單，好似以前現送餐遊戲咁，但其實一啲都唔容易，事關喺飛行過程中會出現唔同程度阻礙，加上機上嘅乘客可以隨意移動及搖晃不定嘅枱，令難度增加，真係想成功送餐都唔係咁易呀！

而遊戲除咗有飛機之外，仲有UFO、外星人、銀河系等搞笑主題。

《Shakes on a Plane》係支援中文介面嘅，玩家亦可以用 Nintendo Switch Online 線上服務同朋友線上遊玩，咁就算冇得見都可以連機一齊玩喇！

遊戲現時已喺英、美等地區正式推出，售價為美金 $19.99（約 HKD$155），有興趣想搶先試玩嘅大家不妨試吓轉換地區買嚟玩吓～

《Shakes on a Plane》：LINK

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）