韓劇《女神降臨》大量植入式大陸廣告引熱議　韓網民：唔知以為係大陸劇

最近韓國熱播嘅韓劇《女神降臨》由車銀優、文佳煐及黃仁燁主演，人氣及討論度都極高！不過近日劇集中嘅大量植入式大陸廣告就引起韓國網民議論，唔少網民都表示好奇怪。

Photo from tvN

最近熱播嘅《女神降臨》改編自同名人氣漫畫，由「臉蛋天才」車銀優、文佳煐及黃仁燁主演，由於原作漫畫本身已經人氣高企，所以當翻拍成電視劇嘅消息傳出開始，到選角乃至劇集播出都一直備受關注。

Photo from eunwo.o_c@IG

Photo from m_kayoung@IG

Photo from hi_high_hiy@IG

近日劇集又引起韓國網民議論，因為劇集中竟然出現大量植入式嘅大陸廣告，唔少網民都表示好奇怪。喺第 4 集中，女主角文佳煐煩惱去約會冇靚衫著，於是偷偷地走入姐姐房間，諗住拎姐姐嘅衫著，然後就發現衣櫃頂有個網購箱入面放咗一條裙，但呢個網購箱竟然係來自中國網購站！

Photo from 《女神降臨》

而喺近日播出嘅第 7 集中，男女主角車銀優及文佳煐喺巴士站等車嘅時候，身後嘅廣告竟然又係中國網購站嘅廣告。

Photo from 《女神降臨》

Photo from 《女神降臨》

除咗網購網站，連食物都有植入式廣告。第 7 集中，文佳煐同朴柔娜喺便利店度食嘢，但竟然係食大陸嘅自熱火鍋！

Photo from 《女神降臨》

Photo from 《女神降臨》

唔少韓國網民見到呢啲植入式大陸廣告都表示好奇怪，「唔知以為係大陸劇」、「China money 最高」、「韓國便利店做咩賣中國食物」、「如果冇寫『女神降臨』嘅話，話係大陸劇都會有人信」。

不過都有唔少韓國網民搞笑話「掛住望車銀優唔得閒留意」，果然車銀優「臉蛋天才」呢個稱號真係名不虛傳！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）