英國餐廳｜倫敦夢幻玻璃球內用餐！欣賞泰晤士河、倫敦塔橋靚景，打卡必到

英國倫敦嘅泰晤士河非常有名，喺泰晤士河旁邊有一間餐廳「Coppa Club」。入面最有特色嘅就係可以坐喺夢幻泡泡玻璃球嘅Igloos中用餐兼賞景，絕對係當地打卡熱點！

倫敦泰晤士河畔餐廳Coppa Club

位於倫敦泰晤士河畔嘅Coppa Club環境非常優美，可以欣賞到泰晤士河嘅美景，仲可以睇埋倫敦知名地標之一嘅「倫敦塔橋」，喺呢到同三五知己歎返杯嘢飲，真係好chill～

而Coppa Club最出名嘅就係室外嘅Glass Igloo座位，Glass Igloo外型好似愛斯基摩人居住嘅冰屋咁，透明嘅牆壁可以畀食客遠眺泰晤士河、倫敦塔橋風景。

戶外設有玻璃球「Igloo」

戶外一共設有8個玻璃球，不論日頭、黃昏，定係夜晚景色都十分優美，好適合同家人、朋友、另一半一齊喺度用餐。

即睇更多人氣文章：
26歲女追求71歲老伯，婚後為對方誕下一子！忘年戀夫妻近況公開
內地女模周韋彤拍片自爆整容失敗 直認愈整愈差好後悔 坦言整容毁一生

Glass Igloo內嘅佈置隨住唔同嘅季節而有所變化。大家唔洗擔心冬天會太凍，呢個夢幻泡泡玻璃球非常溫暖，即使冬天坐喺戶外都唔驚會凍親。

Glass Igloo非常適合打卡，又可以邊享受西式大餐、邊欣賞倫敦夜景，絕對係一流享受！大家去之前可以喺官網book定位先呀！

Coppa Club
地址：3 THREE QUAYS WALK, LOWER THAMES STREET, LONDON, EC3R 6AH
營業時間：（星期一至四）9:00～23:00；（星期五至六）9:00～23:30；（星期日）9:00～22:00
官網：LINK

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）