防範肺炎！正確消毒手機方法一覽　直接噴高濃度酒精會傷害屏幕！

新冠肺炎肆虐，大家都打醒十二分精神，除咗勤洗手之外，都開始消毒日日會掂嘅手機，但到底正確消毒手機嘅方法係點？有咩地方要注意？

現代人個個都一機在手，喺街上會見到好多「低頭族」，大家無時無刻都拎住部手機，因此手機上其實存有好多細菌，依家新冠肺炎肆虐，好多人開始注重清潔，除咗勤洗手外，都會消毒手機。

Photo from 《非凡新聞》

唔少人消毒手機時會直接噴高濃度嘅酒精，方便快捷之餘，高濃度酒精更有效殺菌，但原來呢個並唔係一個好方法！

Photo from 《非凡新聞》

Photo from 《非凡新聞》

如果用高濃度酒精直接噴喺冇保護貼嘅手機度會破壞螢幕保護膜，溶解保護膜塗層，令屏幕容易沾油及指紋，加速屏幕老化，更會令屏幕出現斑塊及變色。

Photo from 《非凡新聞》

另外，噴酒精時如果噴到手機嘅孔洞及螢幕接縫，令到手機入水嘅話就會出現永遠都抹唔甩嘅小光點。

Photo from 《非凡新聞》

Photo from 《非凡新聞》

台灣新聞就教導民眾應該如何正確地消毒手機。如果想用酒精消毒手機，就要先幫手機貼張玻璃保護貼，酒精都唔好過量，否則就要用手機專用清潔劑。而手機嘅周圍就可以用膠紙貼一貼，貼走粉塵。如果係裸機嘅話就最好用紫外線燈消毒。

Photo from 《非凡新聞》

Photo from 《非凡新聞》

大家之後消毒手機時就要留意啦～

資料來源：非凡新聞

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）