冬天 6 款簡易保暖茶飲推介　促進血液循環改善手腳冰冷

最近香港氣溫驟降，唔少人都有手腳冰冷嘅問題，就算著到幾暖都好，手腳依然都係凍冰冰，想改善手腳冰冷問題，其實飲茶都可以～今次推介 6 款冬天保暖茶飲，有助改善手腳冰冷問題，而且簡單易整，方便快捷！

桂花茶
桂花茶性質溫和，可以養胃、暖胃，仲可以止咳化痰、潤肺，更可驅寒，促進血氣運行，改善手腳冰冷問題。桂花茶亦有美白養顏嘅功效，適合女士們飲用。

做法：
取適量桂花，用滾水沖泡 10 ～ 15 分鐘即可。

Photo from Pinterest

黃耆桂圓茶
黃耆有強身益氣嘅功效，可以激發免疫系統功能，秋冬時節食用就最適合，桂圓可以調養氣血。黃耆桂圓茶可以補氣補血，促進血液循環，有助改善手腳冰冷。

做法：
取適量黃耆、桂圓、紅棗，加入生薑 1 片，以滾水沖泡，浸泡 10 ～ 15 分鐘即可。

Photo from Pinterest

黑糖薑茶
生薑驅寒，生薑中嘅薑辣素可以促進血液循環，黑糖有補中益氣、健脾暖胃嘅功效。黑糖薑茶有助改善手腳冰冷，仲可以預防感冒、暖胃，絕對係冬天必備嘅保暖茶飲。

做法：
取適量生薑洗淨後切片，放入滾水中，再加入適量黑糖，將黑糖煮至溶化即可。

Photo from Pinterest

黃耆當歸枸杞茶
當歸可以補血活血，枸杞就有補氣健脾、養肝明目嘅功效。黃耆當歸枸杞茶可以促進身體血氣循環，改善手腳冰冷問題。

做法：
取適量黃耆、當歸、枸杞，以滾水沖泡後，浸泡 30 分鐘即可。

Photo from Pinterest

玫瑰蜂蜜茶
玫瑰蜂蜜茶性質溫和，有調理血氣嘅功效，可以促進血液循環及新陳代謝，有助預防手腳冰冷。

做法：
1. 將紅茶包放入杯中，加入滾水浸泡 3 分鐘。
2. 取出茶包，取適量玫瑰花，加入紅茶中浸泡 10 分鐘後加入蜂蜜即可。

Photo from Pinterest

桂圓紅棗茶
紅棗補中益氣，桂圓調養氣血。桂圓紅棗茶可以補充血氣，活血補暖，仲可以養顏美容，非常適合女士們飲用。

做法：
取適量紅棗、桂圓，滾水沖泡 10 分鐘即可。

Photo from Pinterest

有呢幾款茶飲就唔使怕手腳凍冰冰啦～沖完仲可以帶返公司飲，非常方便！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）