《驅魔麵館》金世正撞樣蘇志威老婆劉小慧　同另一個香港女星都好似樣？

韓劇《驅魔麵館》熱爆，劇中演員人氣急升，飾演「都哈娜」嘅金世正表現突出獲網民激讚，就連草蜢嘅蘇志威都有留意，仲話金世正同老婆劉小慧好似樣，但原來除咗劉小慧之外，金世正同另一個香港女星都好似樣！

Photo from ocn_original@IG

韓劇《驅魔麵館》人氣極高，播出 6 集時收視已經超越神劇《Voice》，成為 OCN 電視台戲劇收視第一，而劇中演員嘅人氣亦隨之急升，飾演「都哈娜」嘅金世正表現亮眼，獲網民激讚。

Photo from clean_0828@IG

Photo from clean_0828@IG

24 歲嘅金世正擁有甜美嘅臉孔，身材玲瓏浮凸，喺劇中同趙炳圭練習體能嘅一幕中就展現咗佢完美嘅身材，睇到趙炳圭要用手遮住眼睛，唔敢再睇。除咗身材好之外，金世正仲有強勁嘅臂彎，金世正喺歌曲《Whale》嘅幕後花絮中著住粉紅色緊身小背心，露出結實嘅二頭肌，金世正嘅二頭肌喺當時更引起網民熱話，網民覺得佢美麗嘅臉孔配上二頭肌嘅畫面超違和。

Photo from 《驅魔麵館》

Photo from 딩고 뮤직 / dingo music@YouTube

隨住劇集爆紅，金世正備受關注，連草蜢嘅蘇志威都有留意佢！早前蘇志威喺微博曬出老婆劉小慧年輕時嘅舊照，指金世正同劉小慧好似樣：「早幾日有位朋友 WhatsApp 我，話有套最新熱爆韓劇（驚奇的傳聞/驅魔麵館）個女主角（金世正）好似我老婆，我哋今日即刻去搵套劇睇吓，發覺真係好似。」蘇志威曬出劉小慧 21 歲時嘅舊照同金世正做對比，一睇又真係幾似。

Photo from 蘇志威微博

Photo from 蘇志威微博

但原來除咗劉小慧，金世正同另一個香港女星都幾似樣，嗰個就係「靚湯」湯洛雯啦！湯洛雯早前都有同金世正一樣留過空氣瀏海，而且兩個人都眼大大，笑起上嚟嗰陣嘅神韻真係幾似～

Photo from clean_0828@IG

Photo from roxannetong@IG

Photo from roxannetong@IG

Photo from clean_0828@IG

大家又覺得似唔似呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）