「內地版 IU」真面目曝光　與本尊完全唔似！原來靠呢個方法「變臉」？

早前內地一位名叫「Chaiu」嘅網紅因為酷似韓國人氣歌手 IU 而爆紅，不過最近 Chaiu 嘅真面目曝光，一睇原來一啲都唔似 IU，引起網民熱議，更被指原來係靠一個方法「變臉」？

韓國人氣歌手 IU 擁有一副好歌喉，加上甜美嘅外貌，擄獲一大班粉絲，喺亞洲及海外都擁有超高人氣。除咗唱歌，IU 都有拍攝多部影視作品，包括《月之戀人－步步驚心：麗》及《德魯納酒店》等，作品同樣話題度爆燈！

Photo from dlwlrma@IG

Photo from dlwlrma@IG

而早前內地就出現咗一個激似 IU 嘅網紅「Chaiu」，呢位網紅唔止樣貌同 IU 似到十足十，就連妝髮、身形及衣著都同 IU 好相近，話係雙胞胎都有人信。正因為激似 IU，Chaiu 喺抖音上擁有高人氣，更有「中國版 IU」之稱，仲紅到去韓國，引起韓國網民關注。

Photo from dlwlrma@IG

Photo from 微博

不過最近 Chaiu 嘅真面目曝光，引起網民熱議，因為根本一啲都唔似 IU！好多網民都感到非常失望、生氣，有網民指佢可能係靠「Deepfake」技術將自己「變臉」。

Photo from 微博

Photo from dlwlrma@IG

「Deepfake」係源自人工智能（AI）嘅偽造技術，係一種人體圖像合成技術，可以將人臉撤換合成，而且效果非常逼真，就好似早前 Twice 成員子瑜就被網民用「Deepfake」技術將個樣合成去姜漢娜度，造成好似子瑜出演咗韓劇《Start-Up》咁，唔講真係以為子瑜去咗拍劇。

「Chaiu 事件」令人非常無語，亦登上韓國新聞，不過無語之外，同時令人驚嘆科技嘅威力。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）