鄧紫棋被前員工力數 8 宗罪！態度差、苛扣人工更要粉絲送手袋？

香港出身，有「小巨肺」之稱嘅 G.E.M. 鄧紫棋 16 歲就爆紅出道，2014 年因為參加內地節目《我是歌手》而大紅大紫，隨後將發展重心轉咗番大陸。日前，佢除了被內地傳媒指名為「最討厭藝人」，更有前員工出面力證佢人前人後兩個樣。一齊嚟睇吓佢有邊 8 宗罪！

Photo from G.E.M. Official Instagram

G.E.M. 雖然好有才華，唱作功力深厚。不過，據聞佢「人前人後兩個樣」，待人處事極度惡劣，日前就被內地傳媒點名指佢係「最討厭藝人」，又有前員工向傳媒爆料，指佢勁刻薄咁話，力數佢對待唔同人嘅不是！

Photo from G.E.M. Official Instagram

1. 扣人工又冇花紅

依排好多藝人嘅工作被疫情耽誤，收入大減，但鄧紫棋反而做唔停手，完全冇影響到佢，加上依家自組工作室，唔洗畀經理人抽佣，更加可以話係賺多咗。有指佢上年賺成千萬，本身應承分花紅畀員工，但後來又反口，仲倒扣 30% 人工！由於佢嘅員工本身就唔多，個個因為咁要身兼多職，依家老細賺咁多仲要冇花紅又扣人工，真係好刻薄呀！

Photo from G.E.M. Official Instagram

2. 紅日番工都冇假補

藝人成日都要出席大大小小嘅活動，好多更加係假期嗰時舉行，咁佢嘅下屬紅日要番工都好合理。之不過佢嘅員工永遠就「有番工冇放假」，事後係唔會補假畀同事，咁做法鐵人都會攰啦！

Photo from G.E.M. Official Instagram

3. 對人態度勁差

唔好睇佢幕前好似好有禮貌咁，爆料者指出原來佢幕後好鍾意「問候」員工㗎！只要有少少唔滿意就會發晒火，連對阿媽都唔例外！

Photo from G.E.M. Official Instagram

雖然佢成日都 Post 同媽咪嘅合照，令人以為佢哋關係好好，但事實係鏡頭外佢都對佢媽咪好差。爆料者話有一次佢媽咪買咗隻名錶，令佢好唔滿意，之後就當眾鬧爆阿媽！睇嚟佢只要冇鏡頭影住，對親人定員工嘅態度都好有待改善。

Photo from G.E.M. Official Instagram

4. 咩都要賺到盡！

爆料者話曾經有客戶透過公關公司想搵佢表演，但佢就要求下屬直接同個客聯絡，連公關公司本身要收嘅佣金都食晒，一定要賺到盡咁話！

Photo from G.E.M. Official Instagram

5. 刁難員工

爆料人話鄧紫棋不時都會接到唔少嘅時裝 Show 係要去外地出差，每次男友 Mark 都會好似經理人咁跟埋去，對方品牌公司都會訂好嘅酒店同留一筆膳食費畀佢哋，希望可以服侍到佢哋開開心心。不過，佢哋兩個人往往都會去米芝蓮餐廳食飯，往往一食就過萬蚊，令到員工要同品牌公司嘅公關周旋，對方又要同自己嘅公司交代，麻煩至極！爆料者都指佢會要員工做醜人，唔單止要求自己壓軸出場，又要喺綵排度打尖，認真大牌！

Photo from G.E.M. Official Instagram

6. 孤寒計到盡！

爆料者話鄧紫棋最近削減化妝髮型師嘅費用，因為覺得係自己嘅名氣令到對方有工開，所以減佢哋錢。有時客户會提供保姆車載出載入，但就算當日嘅工作已經做完，佢都會繼續唔放人去處理自己嘅私事！如果係要自己租車嘅話，就只會租幾個鐘，超級孤寒！

Photo from G.E.M. Official Instagram

7. 連下屬啲禮物都搶！

有時鄧紫棋去品牌活動，啲公司因為佢名氣高，唔單止會送禮物畀佢，仲會送埋畀佢身邊嘅員工，希望大家可以合作愉快。不過，爆料者話鄧紫棋連員工嘅禮物都會拎走，務求咩都係屬於佢嘅！

Photo from G.E.M. Official Instagram

8. 連粉絲都唔放過

鄧紫棋係內地嘅名氣有幾高、粉絲有幾多，我相信大家都知，但大家又知唔知佢係點樣對啲粉絲㗎呢？爆料者指佢之前曾經揹過個 LV 名牌手袋去大陸工作，遇到粉絲問佢拎簽名嗰陣，對方唔小心將滴墨滴咗落佢個袋度，鄧紫棋當場就黑晒面勁嬲。事後粉絲諗盡方法清潔補救，但佢點都唔接受，仲要對方送個新嘅畀佢。唔知道阿 GEM 又會點樣回應傳聞呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）