曾志偉回歸即搞港版《這！就是街舞》？ 王君馨舉手自薦望跳入大陸市場

近年大陸唔少大型綜藝選秀節目如《這！就是街舞》、《熱血街舞團》、《蒙面唱將猜猜猜》等都大受歡迎，更吸引咗唔少香港人氣歌手參加。而近日正式以 TVB 高層身份回歸嘅曾志偉，早前就有消息傳出佢有意製作雲集中港兩地跳舞高手的嘅大型街舞節目，引嚟 TVB 一班跳家班嘅藝人都紛紛表示想參加。

無綫高層樂易玲尋日喺出席活動時，就大爆以擔任副總經理兼行政委員會特別顧問身份回歸 TVB 嘅曾志偉早前已正式返電視城返工，並指佢一返工就即連開多個小時會議，就連吃晚飯時間也未能騰出，睇嚟之後，除咗可能有《獎門人》回歸之外，仲有唔少大型綜藝節目加入喎！

而今日就有消息傳出指曾志偉回歸嘅重頭作就係雲集中港兩地跳舞高手嘅港版《這！就是街舞》。據知佢哋有意仿效大陸嘅人氣綜藝節目嚟吸引觀眾，藉此為 TVB 綜藝節目打開大陸市場。

消息傳出後，近年晉身歌舞界嘅王君馨（Grace）就即表示自己對所有關於跳舞嘅事都有興趣，但如果要跳街舞，佢就擔心因為自己嘅腳傷而跳唔到。

而喺 2011 年參加過《舞動奇蹟》嘅黎諾懿直言自己骨頭脆，唔太敢參加。不過佢就大讚志偉嘅構思夠新鮮感。咁唔跳如果做評審佢又想唔想呢？！

不過一切暫時都只係傳聞嚟，唔知幾時會有正式公布呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

曾志偉獲邀做TVB副總經理！王祖藍擔任首席創作官！發展綜藝及娛樂節目

21 Jan 2021

TVB今日宣佈「獎門人」曾志偉將會出任TVB集團副總經理及行政委員會特別顧問，而王祖藍則成為首席創作官！兩人會主力發展綜藝節目，全面負責綜藝及資訊娛樂節目板塊，培養接班人。

TVB行政委員會及主席許濤發電郵宣佈「獎門人」曾志偉同王祖藍兩人將加盟TVB，出任重要職位！

Photo from 《獎門人》

曾志偉以製作人身份加入管理團隊，擔任TVB的副總經理兼行政委員會特別顧問，全面負責綜藝及資訊娛樂節目板塊。

Photo from 曾志偉微博

電郵中指曾志偉主要工作係制訂綜藝及資訊娛樂內容策略、擴闊綜藝節目市場及渠道等。另外更會為TVB培養電視台前幕後接班人，為年青人創造就業機會。

Photo from 曾志偉微博

同時曾志偉「左右手」王祖藍亦獲邀出任「首席創意官」，協助曾志偉喺綜藝及資訊娛樂節目內容上嘅業務發展。

Photo from 王祖藍微博

許濤讚揚曾志偉以《獎門人》系列綜藝節目成功確立領導地位，又指王祖藍近年喺內地嘅綜藝作品與及發展成績斐然，希望可以融合佢喺內地發展嘅經驗。

Photo from 王祖藍微博

曾志偉同王祖藍以往喺TVB已合作無間，兩人更合資喺內地、香港兩地經營「手工藝創作有限公司」，旗下有唔少藝人，包括岑麗香、李亞男、翁虹、阮兆祥、郭晉安、金剛等。

Photo from 王祖藍微博

不過喺兩年前，有指曾志偉因為希望涉足綜藝組一事與TVB高層不和，又多次毫不留情狂踩港姐騷，更曾傳出TVB下令封殺曾志偉！曾志偉亦有「倒戈」上ViuTV講波，坦言會同ViuTV再合作。

估唔到兩年後曾志偉竟然會重返TVB！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）