女首富甘比傳奇發跡史！從月薪1萬娛樂記者到身家700億CEO！憑3件事冧掂大劉
甘比陳凱韻年僅41歲已成香港女首富，佢公屋出身做過娛樂記者，後來成為劉鑾雄紅顏知己，更成功坐正做大劉太太。最近佢正式擔任公司行政總裁，回顧佢近20年上位之路，能夠成為與多位女星傳過緋聞嘅大劉正室，可謂一段傳奇故事。
Photo from 甘比IG
41歲嘅陳凱韻（甘比）年幼時曾居住大圍顯徑邨，家境唔算好好，中學畢業後入行做咗娛樂記者，當時月薪約為港幣$1萬。
Photo from 甘比IG
其實甘比做咗娛記唔係好耐，大約只有3年時間，但佢同好多圈中明星關係唔錯，連性格高傲嘅星爺周星馳都同佢好friend。可見佢為人處事圓滑，好易令人對佢好感。
Photo from 甘比IG
Photo from 甘比IG
到2002年5月，佢辭職轉行去大劉劉鑾雄旗下嘅華人置業工作，佢當時得二十幾歲，但工作能力好強，被外界稱為「大劉愛將」，與大劉日久生情。
Photo from 甘比IG
大劉係香港著名富豪，身邊向來不乏紅顏知己，曾經同李嘉欣、蔡少芬、關之琳等女星傳過緋聞，亦有女友呂麗君，呂麗君更為佢喺2002年及2010年誕下一女一子。
2008年，身為大劉紅顏知己嘅甘比被傳媒報導已經懷孕，更搬入豪宅安胎，同年誕下女兒劉秀樺，劉鑾雄及佢母親亦有現身醫院，可見甘比地位穩固。
Photo from 甘比IG
但喺甘比誕下女兒後，大劉女友呂麗君竟公開發聲明，質疑甘比女兒生父嘅身份，佢稱甘比為「助理」，指有心人誤導及破壞佢家庭和諧。
事後大劉直斥呂麗君「有錢就身痕」，公開承認甘比所生女兒父親係佢。之後到2012年甘比再誕下次子。
Photo from 甘比IG
Photo from 甘比IG
直至2016年，甘比同大劉正式註冊結婚，做咗紅顏知己13年終於坐正做劉家女主人，而大劉亦發聲明表示與呂麗君早於2014年已分手。2017年甘比再為大劉生下三胎，其後大劉將旗下公司股份分畀妻子甘比，令甘比一躍成為香港女首富。
Photo from 甘比IG
大劉多年嚟身邊有眾多女友，甘比之所以能夠成為正室原來有3大原因！
#不爭不搶為人低調
喺呂麗君公開發聲明質疑甘比女兒身份，甘比雖然有出聲承認女兒生父係大劉，但並無指責、反擊對方，安心做大劉背後女人，反而係大劉出面力斥呂麗君。甘比多年嚟作風低調，大劉更力讚甘比唔貪錢，從唔會主動問佢攞禮物。
Photo from 甘比IG
#寸步不離悉心照顧
甘比與大劉年齡相差近30年，大劉近年身體唔好，出出入入都有甘比陪伴，甘比對大劉換腎後嘅悉心照顧令大劉大為感動。
Photo from 甘比IG
#與劉家上下相處融洽
甘比唔止同大劉前妻所生嘅一對仔女相處好好，亦深得大劉母親歡心，大劉表示甘比好錫佢個仔劉鳴偉。
Photo from 甘比IG
甘比成功打動大劉決心畀佢名份佢，更將財產與甘比分享。甘比更接替姐姐陳詩韻出任大劉旗下公司行政總裁，身家估計有近$700億！身為香港女首富嘅甘比更樂善好施，帶埋仔女做善事，早前本港出現口罩短缺時更於各地搜羅口罩贈送予有需要人士。
Photo from 甘比IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
甘比再派1萬個韓國口罩 前後派3萬口罩予低收入家庭及長者
10 Feb 2020
好似甘比咁，佢上星期已經喺IG指將派口罩俾老人家同低收入家庭。
甘比上星期表示從唔同渠道採購咗超過兩萬個口罩，第一批韓國口罩亦已開始分享俾唔同團體，希望可以幫到老人家同低收入家庭。
佢琴日再出post指再多一萬個口罩：「希望終於有一日人人有口罩?，不需要再為口罩而奔波，希望大家在此期間注重飲食，強化個人的免疫系統，齊心抗疫??，也來一起祈禱??希望晴天好快來臨?」
計埋之前嗰兩萬個口罩，甘比共派3萬個口罩俾老人家同低收入家庭。
甘比1997年創辦劉鑾雄慈善基金，多年嚟積極參與慈善工作，有時仲會帶埋仔女一齊做善事。
之前就去位於深水埗嘅Lady Lau自修室中心派米俾長者，送生果同預寒衣物俾小朋友。
感謝香港咁多位有心人！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鄭秀文孖古天樂親身落區派口罩！疫情期間多次派口罩為抗疫出力
27 Apr 2020
Sammi鄭秀文向來同古天樂friend，之前開演唱會更邀請對方做嘉賓大開金口唱歌添！
呢排喺疫情期間，佢哋亦出咗唔少力，搜羅口罩派畀有需要人士。
甘比之前派咗幾萬個口罩畀老人家同低收入家庭，佢表示：「希望終於有一日人人有口罩」。
早前Sammi鄭秀文同港姐李珊珊走入社區，派口罩畀基層朋友。Sammi指：「但願能繼續為社區盡點力。」
琴日甘比喺IG post出4人合照：「今天很開心能夠與志同道合的一班朋友，Sammi，古仔同珊珊一起落區派口罩，為社會出一點綿力，很是值得！人間有情，希望大家繼續保持正能量的心，迎接美好的明天！共同抗疫，大家努力??」
李珊珊亦喺微博發文：「謝謝您們，帶來一個有意義、大得著、滿笑聲的一天。愛您們啊。」
Sammi就話：「今次，mi除了和珊珊落區，還有甘比和古仔。
四個人，四份綿力。
又過了非常有意義的一天。
助人其實自助，心靈又再一次被深深觸動。感恩今天遇到過的每一個人，每一席話。
#疫境前行
#防疫不鬆懈繼續洗手口罩
#完成任務後便馬上回家了繼續奉行stayhome」
佢哋又再出動做慈善，為社區內有需要人士送溫暖。
之前古天樂就低調採購130萬個口罩，捐往不同嘅社福機構，幫助18區人士。
感謝香港咁多位有心人！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
