download HolidaySmart 假期日常 app
浮誇大媽網紅韓美娟真面目超驚人！卸妝後勁大反差 網友：點解要做小丑？

浮誇大媽網紅韓美娟真面目超驚人！卸妝後勁大反差 網友：點解要做小丑？

生活熱話 娛樂新聞
By Jennifer on 19 Feb 2021
Digital Editor
今晚食乜餸：小二，嚟一碟花生！

抖音網紅「韓美娟」經常以超濃浮誇大媽妝容亮相，更成為抖音紅人。佢近日以真名「韓佩泉」參加男團選秀節目《創造營2021》，網友驚奇發現佢原來真人「娘味」無咁重，卸下妝容後man好多！

抖音網紅「韓美娟」經常以超濃浮誇大媽妝容亮相，更成為抖音紅人Photo from 抖音

網紅「韓美娟」Photo from 抖音

抖音上有好多化妝靚仔、靚女網紅，其中「韓美娟」不走尋常路，佢專化超濃浮誇妝容扮大媽，陰影、highlight、眼影都勁重手，但卻吸引過百萬fans。

韓美娟專化超濃浮誇妝容扮大Photo from 抖音

陰影、highlight、眼影都勁重手Photo from 抖音

雖然韓美娟化嚇人濃妝，但佢說話直率，爽朗個性相當討好，佢近日更以真名「韓佩泉」參加大陸男團選秀節目《創造營2021》，當時亦引嚟唔少非議，指佢一個網紅想出位做男團成員出道，又質疑佢浮誇作風同男團格格不入。

韓美娟近日以真名「韓佩泉」參加大陸男團選秀節目《創造營2021》，當時亦引嚟唔少非議Photo from 抖音

網友質疑韓美娟浮誇作風同男團格格不入Photo from 抖音

韓美娟妝容嚇人Photo from 抖音

佢開始卸下濃妝，以原本面目示人，網友發現佢真人原來正常好多，妝前妝後反差極大！

韓美娟卸下濃妝，以原本面目示人Photo from 抖音

韓美娟真人原來係個靚仔！Photo from 韓美娟微博

同抖音中嘅浮誇大媽唔同，卸下詭異眉毛、超厚假眼睫毛後嘅韓美娟真人其實勁陽剛，身材亦頗為高大。

韓美娟卸下詭異眉毛、超厚假眼睫毛後Photo from 抖音

韓美娟真人其實勁陽剛，身材亦頗為高大。Photo from 韓美娟微博

而且喺節目中佢直言不諱嘅評論亦令觀眾好有共鳴，讚佢為人好真，又唔做作。

同節目中其他參加者相比，佢都更有男人味，簡直man爆Photo from 《創造營2021》

節目中韓美娟直言不諱嘅評論亦令觀眾勁有共鳴，讚佢為人好真，又唔做作。Photo from 韓美娟微博

其實韓美娟係音樂學院學生，做音樂係佢嘅夢想，雖然係00後但身世好慘，細個有唇顎裂，喺14歲之前做過7次手術。韓美娟年紀輕輕就要工作賺錢養家，有傳佢遭生母拋棄，同爸爸、奶奶生活。

其實韓美娟係音樂學院學生，做音樂係佢嘅夢想Photo from 韓美娟微博

韓美娟細個有唇顎裂，喺14歲之前做過7次手術。Photo from 韓美娟微博

為咗賺錢佢扮女裝做網紅，依家有機會，佢希望可以實現做音樂嘅夢想，網友都好期待佢喺選秀節目嘅表現～

為咗賺錢韓美娟扮女裝做網紅Photo from 韓美娟微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大陸暴牙網紅女1分鐘變身眼大/鼻高/面尖尖美女！網民驚呼：到底係化妝定喬妝？

18 Feb 2021

「化妝就是，你下了妝，我還認得你，叫化妝！你下了妝，我不認得你，叫做喬裝！」相信依句出自黃子華 2006 年嘅棟篤笑金句唔少人都一定聽過。喺依個化妝技術高超嘅時代，再加上配有美顏功能嘅 App 令大家就算素顏都可以瞬間變美。而早前喺大陸就有一位網紅以大素顏示人，並由暴牙大嬸 look變成大美女，令網民不禁驚嘆。

到底係化妝定喬妝？

依位大陸網紅名為「琦花花」，其素顏時細眼、扁鼻、大口，笑起嚟仲會露出牙齒不齊嘅問題，加佢整個皮膚暗沈，屬於喺街上見到絕對唔會望多眼嘅類型嚟，亦好難喺第一眼就吸引異性嘅目光。

「琦花花」素顏時細眼、扁鼻、大口，笑起嚟仲會露出牙齒不齊嘅問題

但當「琦花花」經過熟練嘅化妝後即搖身一變成為甜美嘅網紅樣，整個前後對比，如果唔係睇住佢一步步咁化，絕對會以為佢係換咗另外一個人出現呀！

經過熟練嘅化妝後即搖身一變成為甜美嘅網紅樣

「琦花花」除咗喺化妝前為自己塗上護膚品外，仲會食保健品添，可以話係內外兼備。

除咗喺化妝前為自己塗上護膚品外，仲會食保健品添

先塗上防曬隔離霜，再以塗上粉底

完成底妝，開始眼妝嘅部分喇！

由眉開結

到眼影

梗係唔粉得眼線喇！

而整個化妝過程中，最厲害嘅係「琦花花」令自己本身有啲 baby fat 嘅方臉變成 V 臉，整個面形縮小咗差唔多 5 倍，再加上以皮膚蠟墊高鼻樑，令扁塌鼻瞬間變成高鼻子，整體立體感更突出。

最厲害嘅係「琦花花」令自己本身有啲 baby fat 嘅方臉變成 V 臉

依段短短一分鐘嘅片令「琦花花」極速爆紅，唔少網友睇後都不禁驚嘆：「天阿！根本是詐騙集團吧！」、「這不是化妝，是喬裝」、「我剛剛到底看了些甚麼」、「真係同一個人來的」、「「這是用了甚麼巫術嗎？」

難怪唔少網友睇後都不禁驚嘆，真係同一個人嚟？！

相信如果可以有佢咁勁嘅化妝技巧，唔少女生應該可以慳唔少美容嘅錢呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

抖音女神與閨蜜反目被揭真面目！外貌身材全靠P圖 XS身型真實竟是XL

4 Feb 2021

喺大陸「抖音」擁有超過80萬fans嘅網紅「西紅柿ovo」近日與閨蜜反目，對方更大爆西紅柿ovo嘅真樣，原來佢精緻外貌其實全部係P圖，身型更由XL P到變成S，簡直係天壤之別。

喺大陸「抖音」擁有超過80萬fans嘅網紅「西紅柿ovo」近日與閨蜜反目Photo from 微博

大陸「抖音」吸引好多年輕人玩，同時唔少靚仔靚女素人亦可以憑短片喺網上走紅，成為網紅。

喺抖音坐擁超過80萬fans嘅網紅「西紅柿ovo」平時出片教人化妝，因為精緻嘅五官同優越嘅身材比例走紅，吸引唔少人follow，更獲封為「抖音女神」。

網紅「西紅柿ovo」平時出片教人化妝，因為精緻嘅五官同優越嘅身材比例走紅Photo from 微博

不過「西紅柿ovo」近日同好友不和，對方爆料佢係「雙面人」，人前人後兩個樣，同人扮姊妹情深，轉個頭即講人壞話，直指「同佢見過面嘅都被佢喺背後罵過」

「西紅柿ovo」近日同好友不和，對方爆料佢係「雙面人」，人前人後兩個樣Photo from 微博

「西紅柿ovo」閨蜜仲公開埋佢未P圖前嘅真面目！「西紅柿ovo」平時喺抖音嘅樣貌出色，下巴尖尖鵝蛋臉，眼尾上揚帶點反叛，相當有個性。

「西紅柿ovo」平時喺抖音嘅樣貌出色，下巴尖尖鵝蛋臉，眼尾上揚帶點反叛Photo from 微博

「西紅柿ovo」P圖前Photo from 微博

點知原來全部都係靠P圖！佢嘅真面貌竟然係超闊圓臉，與P圖後嘅面型差天共地。睇完原圖之後，網民對佢嘅P圖技巧表示佩服不已。

「西紅柿ovo」真面貌竟然係超闊圓臉Photo from 微博

「西紅柿ovo」P圖前與P圖後嘅面型差天共地Photo from 微博

除咗面型，連身型都係P！「西紅柿ovo」喺抖音啲相張張都係S碼咁滯，但被指實際上著嘅衫要買大碼、加大碼。

除咗面型，連身型都係PPhoto from 微博

「西紅柿ovo」喺抖音啲相張張都係S碼咁滯Photo from 微博

「西紅柿ovo」被指實際上著嘅衫要買大碼、加大碼。Photo from 微博

喺抖音上「西紅柿ovo」明明身材非常苗條，上揚貓眼點睇都係個美女，但真人竟然係另一個樣，令fans失望之餘亦對佢驚人嘅P圖手法表示尊敬。

「西紅柿ovo」令fans失望之餘亦對佢驚人嘅P圖手法表示尊敬。Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話網紅抖音娛樂新聞