袁偉豪不甘被指外父送樓：我唔洗供咩？坦言好介意外界負評
袁偉豪近日上麥玲玲同Bob林盛斌節目《Master's Talk 師父有請》，大談同老婆張寶兒交往後備受壓力，直言對外界負評感唔開心，又指曾叩頭道歉1,000次令事業運變好。
Photo from 袁偉豪IG
袁偉豪同張寶兒一段感情由拍拖到結婚都備受注目，兩人結婚後搬入7千萬愛巢，袁偉豪更因為外父有米而被封為「千億駙馬」。
Photo from 袁偉豪IG
佢喺節目提到依家兩夫妻住嘅愛巢算係Dream House，但未係終極目標，佢指自己跑步沿路山邊有間破屋，好似《鐵甲奇俠》間屋咁：「出面一邊係懸崖，另一邊有幾棵樹，落地玻璃望住清水灣，我好想有機會可以住喺呢度，擁有自己設計嘅車房、Band房。」
Photo from 袁偉豪IG
袁偉豪又坦言同咗張寶兒一齊後好有壓力，面對外界負評亦直認感到唔開心：「入到外父屋企有乜好驚？我唔會驚，反而睇完報道之後唔舒服，唔舒服係點解要咁講我呢？」
Photo from 袁偉豪IG
對於外界指張寶兒爸爸豪送物業畀女兒作嫁妝，袁偉豪直指買樓係外父主導，表示：「層樓我唔洗供咩？」被指婚後走樣佢又顯得好勞氣：「我都要搵錢，我都要keep好個樣出嚟，點知又被你班人話面膠、醜男？」
Photo from 張寶兒IG
不過佢同老婆張寶兒感情就無受閒言所影響，表示外父外母都欣賞佢逐步捱出自己事業，所以將女兒托付畀佢。
Photo from 袁偉豪IG
袁偉豪提到出道頭10年事業完全無起色，問米婆話佢前世得罪人，最終佢唸住對方姓氏叩頭道歉1,000次，之後成功加入TVB，事業運變好。
Photo from 袁偉豪IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
袁偉豪被指婚後走樣！面容浮腫+鼻子變大 參加Yes校草選舉舊照曝光
14 Jan 2021
袁偉豪同女友張寶兒相戀3年後求婚成功，上年正式完婚，有指袁偉豪娶咗張寶兒升呢成「千億駙馬」，張寶兒爸爸更豪送物業畀女兒作嫁妝。
Photo from 袁偉豪IG
雖然外界唔睇好呢一pair，但佢哋經常恩愛出巡。早前大台嘅《萬千星輝頒獎典禮2020》，袁氏夫婦雙雙出席。
Photo from 袁偉豪IG
但袁偉豪嘅狀態卻成為網民討論話題，有網民喺「連登」開post「袁偉豪個樣發生咩事」，直言佢「而家個樣直情可以用醜男嚟形容」。
Photo from 連登
Photo from 袁偉豪IG
網民指佢同太太張寶兒張合照顯得面容浮腫，眼睛無神兼鼻大。
Photo from 袁偉豪IG
亦有網友搵返袁偉豪以前參加《Yes!》校草選舉嘅舊照，仲話佢「有啲似王祖藍」
Photo from 連登
其實袁偉豪之前都有post過《Yes!》校草嘅照片，當時佢年僅15歲，之後又參加《香港先生》入行，睇嚟袁偉豪都對自己外貌頗為自信！
Photo from 袁偉豪IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
袁偉豪娶張寶兒佩戴名錶價值超過$100萬！升呢做「駙馬」搬入7千萬愛巢
25 Nov 2020
袁偉豪同張寶兒正式喺愛巢簽紙結婚，張寶兒戴上7對巨型龍鳳鈪出嫁，新郎袁偉豪造型相對較低調，但原來佢手上名錶大有來頭，價值約$130萬，已夠畀首期！張寶兒亦公開多張婚照。
袁偉豪同張寶兒喺清水灣愛巢簽紙結婚，TVB更開埋直播，一對新人喺鏡頭前甜蜜嘴嘴～
著上中式禮服嘅張寶兒戴上7對巨型龍鳳鈪出嫁，非常氣派！張寶兒喺IG公開多張婚照，並感謝大家嘅祝福。
可左右滑動看圖：
晚上二人換上西裝、婚紗會見傳媒。新郎袁偉豪手上名錶大有來頭！
佢本身係瑞士鐘錶品牌Cyrus Watches港澳地區Ambassador，品牌亦喺社交網站上祝賀佢哋成婚～
據知袁偉豪手上名錶價值約為港幣$130萬！已夠畀首期！同張寶兒結婚後成為「千億駙馬」，5月兩人聯名買入清水灣豪宅作愛巢，有指張寶兒爸爸再送多層樓作女兒嫁妝。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
