Janice Man大晒素顏被指撞樣滕麗明？回顧與Angelababy?模時期舊照

娛樂新聞

By Jennifer on 01 Mar 2021

Digital Editor

今晚食乜餸：小二，嚟一碟花生！

Janice Man（文詠珊）喺微博post咗多張夏天相，相中佢著背心短褲，大騷纖瘦身材！而且佢更以素顏出鏡，但竟被指撞樣滕麗明？

Photo from Janice Man IG

Janice Man（文詠珊）今年32歲，2019年與富二代男友結婚，升呢做人妻～近年將工作重心放喺大陸，甚少出演香港作品。

Photo from Janice Man IG

Janice Man喺大陸發展唔錯，近日佢喺微博分享靚相，相中佢以白色緊身小背心、牛仔短褲亮相，身材fit爆！

Photo from Janice Man微博

佢更未施脂粉，素顏look喺陽光下影得皮膚超好：「已經想念夏天了☀～」網友大讚佢係素顏女神！

Photo from Janice Man微博

不過亦有網友指Janice Man素顏同滕麗明撞樣！瞇埋眼嗰幾張又真係有幾分相似。

Photo from Janice Man微博

Photo from 滕麗明 IG

近年Janice Man去大陸發展，微博已有超過600萬粉絲，與佢同為「?模始祖」嘅Angelababy，微博粉絲更逾1億！

Photo from Angelababy微博

Janice Man同Angelababy初出道時常以「孖公仔」出現，齊獲封「?模始祖」，不過後來兩人關係漸漸疏離，更傳出不和。

Angelababy早早將市場擴展至大陸，依家已成為一線女星，早前罕有發長文澄清自己從來無介入黃曉明同前女友嘅感情做第三者，有細心網友發現昔日好姊妹Janice Man竟然有讚好呢篇文，兩人破冰互動引起關注。

如今Janice Man同Angelababy都已成人妻、人母，唔知將來仲有無合體機會呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

回顧Angelababy出道16年外貌進化史！?模始祖變內地一線女星！

31 Oct 2020

Angelababy今年31歲，，喺香港以模特兒出道，更獲稱「?模始祖」，同黃曉明結婚後工作就喺內地，上唔少綜藝節目，又做女主角，現已成內地一線女星。佢入行以嚟一直被質疑有整容，Baby否認更搵埋醫生做檢查同鑑定力證自己未有整容，可見佢對自己整容傳聞都相當在意。

今年31歲嘅Angelababy年紀不大，但已經係一子之母，更已出道16年，佢細個生活喺上海，直到13歲移居香港。

#?模始祖

14歲正式加入模特圈，成為熊黛林同門師妹。佢更有出演《香港迪士尼樂園Viva! Club Disney》，同當時同為節目主持嘅陳偉霆拍拖，戀愛數年後分手。

Baby係中德混血兒，出道初期未接受牙齒矯正，所以有哨牙，嘴唇亦比較厚。

可左右滑動看圖：

後來箍牙之後外貌變得精緻，雖然身高唔高，但仍有唔少job，仲推埋寫真，同Janice Man一齊獲封「?模始祖」！

#與黃曉明戀情曝光人氣急升

2010年後演藝事業重心轉向中國大陸，主要集中喺電影發展方面，同時因為喺社交網站寫上「海綿蛋糕」，即被發現疑似用「曉明大哥」向內地男星黃曉明示愛。

兩人於2014年公開戀情，Angelababy參加大陸綜藝節目《奔跑吧兄弟》，成為固定成員之一，更因此人氣急升！佢其後一直擔任節目後來幾季嘅主持。

2015年，Angelababy同黃曉明公開結婚證宣布結婚，舉辦嘅婚禮共有2000人出席，Baby嘅名字更廣為人知。人氣上升後，唔少非議亦降臨至Baby身上，唔少人指佢與初出道時外貌有極大變化，質疑Baby整容。雖然Baby多次否認，又解釋係因為矯正過牙齒，但整容傳聞仍甚囂塵上，Baby甚至親自到醫療機構進行面部鑒定，更公開鑒定結果力證自己無整過容。

#成內地一線女星

網民質疑聲未有減少，但Baby嘅星途卻越嚟越順利，佢開結參演電視劇、電影，更擔正做女主角，電視劇包括：2015年《大漢情緣之雲中歌》、2017年《孤芳不自賞》、2019年《我的真朋友》；電影有：《何以笙簫默》、《尋龍訣》、《擺渡人》、《微微一笑很傾城》，同唔少當紅內地小鮮肉合作。更攞埋百花奖最佳女配角！

有傳baby片酬高達人民幣8000萬，可見佢喺大陸人氣之高。升級做媽媽後，Baby仍努力工作，不過再度因為外貌多次登上微博熱搜榜：「#angelababy的臉怎麼了」

網民指佢眼睛越嚟越大，參加綜藝節目時一但做比較誇張嘅表情即刻面容扭曲，顯得十分僵硬、不自然。

現時Baby喺大陸有唔少綜藝節目上，上節目有唔少嘉賓都稱呼Baby為「Baby姐」，足見Angelababy依家喺內地娛樂圈嘅地位！

Text: HolidaySmart Editorial

陳法拉生日晒素顏泳衣照！網民直稱凍齡美女好pure好true!

26 Feb 2021

早前剛剛度過39歲生日嘅陳法拉，就喺IG Story轉發咗一張同朋友一齊穿著泳衣嘅合照，素顏嘅法拉皮膚依然好好，難怪網民大讚凍齡有術。無論係佢嘅身材，樣貌，事業定學歷，樣樣都好完美，絕對可以稱得上係人生勝利組！

Photo from 陳法拉IG

今年係法拉榮升做媽咪之後嘅第一個生日，相信一定令佢好難忘，佢亦係IG上載咗老公為佢準備嘅生日蛋糕，話「好感恩今年嘅生日可以同父母，老公，囡囡一齊過」。另外，陳法拉仲轉發咗朋友比佢嘅祝福。近期少見法拉po自己嘅素顏相，不過佢皮膚依然好好，令網民不禁驚嘆佢好似唔識變老咁。法拉有透露囡囡同佢一樣有個小酒窩，相信小米妮大個後都一定係個美人喇。