10位男明星童年照曝光！梁朝偉/吳卓羲零走樣！姜濤/陳智燊肥仔潛力股
有唔少男藝人都曾經喺IG公開過自己童年照，有啲完全無變過，有啲細個係潛力股，絕對係「男大18變」！即刻圈中男明星小時侯係點樣！
#姜濤
姜B人氣超高！可能大家都有睇過姜濤少年時200磅嘅重量級照片。其實佢細個都瘦底，眼大大幾cute，神態仲有啲「小大人」feel～
#黃宗澤
Bosco原來都曾經係一名胖乎乎嘅男生，嗰陣佢12歲。童年時澤囝剪過平頭，笑容非常燦爛，到17歲佢同依家無分別，keep得好好。
#吳卓羲
Bosco好兄弟吳卓羲畢業照眼睛超大，感覺係個成績好好嘅高材生。原來吳卓羲細細個已經有晒輪廓，基本上無乜變化。
#袁偉豪
袁偉豪其實經常會喺IG post出童年照同網民分享，連手抱BB時期嘅相都有，好可愛。同妹妹合照嗰張眉眼間已有今日嘅影子，少少baby fat，家庭照好溫馨～
#周柏豪
周柏豪原來細細個雙眼係咁水汪汪！睇落超無辜，另一張相佢手插褲袋，年紀輕輕已好識得擺pose。
#陳展鵬
視帝陳展鵬最近於歌壇復出，佢細個皮膚黝黑，但著起西裝都非常醒神！加上自信嘅笑容，好鬼cute！
#胡鴻鈞
胡鴻鈞喺IG公開過小學相，戴咗圓框眼鏡之後唔係好認得佢。到佢中學其實已無咩點變樣，拎住羽毛球拍好青春！
#蕭正楠
蕭正楠細個都好腳長，唔知係咪陽光太勁所以瞇埋咗眼。另一張佢眼睛都係瞇埋，髮型係當年相當流行嘅六四分界。
#陳智燊
陳智燊原來細個都係潛力股！佢戴圓型無框眼鏡，笑容腼腆，老婆宋熙年話好想攬喎！
#梁朝偉
憂鬱氣質係男神朝偉嘅標誌，其實佢細個都好開朗！劉嘉玲曾公開過朝偉嘅童年照，朝偉剪咗超短瀏海，超級可愛呀！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
湯洛雯晒童年照獲讚超可愛！盤點8位由細靚到大女星 舊照力證純天然！
25 Feb 2021
湯洛雯喺IG post出與父親湯鎮宗童年合照，一班圈中人大讚佢好可愛！其實仲有好多純天然靚女晒過舊照，佢哋同以前相比零變化，仲越大越靚添！即睇有邊幾位由細靚到大女星！
Photo from 湯洛雯IG
靚湯湯洛雯post出父女合照，佢爸爸湯鎮宗都做過男演員，相中靚湯親密倚在爸爸後背，肉肉嘅面珠超可愛！
Photo from 湯洛雯IG
佢表示以前條眉好似紫菜咁：「我都話我以前係紫菜眉，盡得老竇真傳 #條眉仲粗過隻眼 #細個覺得太man而家先覺得好用」
Photo from 湯洛雯IG
勁多圈中好友留言讚靚湯細個超級可愛！男友馬明都有畀心心，亦有網民指湯爸爸年輕時好似黃耀明。
Photo from 湯洛雯IG
Photo from 湯洛雯IG
#陳自瑤（Yoyo）
Yoyo向來都keep得好好，佢之前晒過中學時期嘅學生相，紮馬尾嘅Yoyo同依家完全零變化，網民都話佢由細到大無變過！
依家嘅Yoyo唔止凍齡，身材仲好fit添！
Photo from 陳自瑤IG
Photo from 陳自瑤IG
#朱千雪
千雪BB係眾多人心目中嘅女神，除咗燦爛嘅笑容，仲有知性美。佢喺兒童節有公開過自己嘅童年照。
佢表示自己細個唔係好中意影相，所以張相千雪bb睇落嬲爆爆，但佢細個對眼已經好大，面圓圓好得意～
Photo from 朱千雪IG
Photo from 朱千雪IG
#李佳芯（Ali）
視后Ali今年38歲但仍勁有少女感！佢外貌更係十年如一日！
李佳芯學生相中面型同依家都無乜分別，眼神有少少凌厲，黑長直髮型相當清純。
Photo from 李佳芯IG
#黃翠如
黃翠如大掃除時發現學生相，佢嗰陣好pure好true～
過咗咁耐外貌都無變過，尤其係眼睛，一睇就知佢係翠如喇！
Photo from 黃翠如IG
Photo from 黃翠如IG
#馮盈盈
言行出位嘅馮盈盈，貴為港姐冠軍，佢都係由細靚到大！童年非常可愛，下巴尖尖，連馮盈盈自己都話：「#點解細個時塊面尖啲 #唔係babyfat咩」
到中學已係美人胚子，眼大瓜子臉，難怪參選港姐會大熱奪冠！
Photo from 馮盈盈IG
Photo from 馮盈盈IG
#張曦雯
《國際中華小姐》冠軍，雖然舊照被指疑曾動刀，但童年照一曝光即力證佢係純天然美女！
笑容同依家好似，童年相更被網民笑言係「女版吳彥祖」～
Photo from 張曦雯IG
Photo from 張曦雯IG
Photo from 張曦雯IG
#陳瀅
陳瀅細個嘅相幾乎同依家無分別，最大變化係氣質，依家多咗點嫵媚。
佢細個反而無咩baby fat，睇嚟尖下巴+大眼睛係美女標準～
Photo from 陳瀅IG
Photo from 陳瀅IG
Photo from 陳瀅IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港姐冠軍謝嘉怡童年照公開！五官精緻由細靚到大！大讚嫲嫲堅強又獨立
8 Sep 2020
謝嘉怡（Lisa）係香港、蘇格蘭混血兒，參選香港小港一舉奪冠，更獲盛讚係近年「最靚港姐」。
雖然Lisa喺外國生活，中文唔流利，但係其實佢同住喺香港嘅爺爺嫲嫲都好親近，每次返港都會去探望。
Lisa喺IG公開同嫲嫲嘅合照，表示因為嫲嫲，香港就好似佢第二個家咁，仲話每次去飲茶，嫲嫲都會點Lisa最中意嘅嘢食。
佢感謝嫲嫲，話畀佢聽自己嘅成長故事，指嫲嫲永遠都支持佢，更教佢點成為一個堅強、獨立嘅女人。
Lisa又公開一張於90年代拍攝嘅照片，相中Lisa嫲嫲抱住佢，雖然年紀小，但Lisa眼大大，五官精緻，絕對係由細靚到大！
圖片來源：謝嘉怡Instagram
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
