6款瘦身必飲減肥茶飲！健康消脂簡單易整

唔少朋友減肥時都會控制飲食及做運動，但其實飲茶都有幫助。今次為大家整理6款瘦身必飲嘅減肥茶飲，全部都係天然材料，健康之外仲簡單易整，想減肥嘅朋友不妨試下！

山楂茶

食得太多肉好易肥，各位想減肥嘅食肉獸可以考慮飲山楂茶，山楂含多種維他命、山楂酸、檸檬酸及蘋果酸等，當中嘅酸性物質可以消除油性食物嘅油脂，健脾消積，有助減肥。

做法：
取適量山楂、菊花及枸杞，用滾水沖泡15-20分鐘即可。

Photo from Pinterest

烏龍茶

烏龍茶相信大家都經常飲，其實烏龍茶同樣有助減肥。烏龍茶喺發酵嘅過程中會產生烏龍茶多酚，呢個成分有助抑制脂肪吸收，以及排出囤積脂肪。此外，烏龍茶仲可以促進脂肪燃燒、減少腹部脂肪積聚。

做法：
取適量茶葉，用滾水沖泡後加蓋焗3分鐘即可。

Photo from Pinterest

薏米茶

相信女士們對薏米都有一定嘅認識，因為薏米有美白功效，但原來薏米茶都可以幫助瘦身。薏米含有豐富嘅蛋白質、維他命及礦物質等，有利尿、消水腫等作用，所以薏米茶最適合易水腫嘅人士飲用。

做法：
1. 將薏米洗淨後放入鍋中用小火乾炒。
2. 炒至水分乾透及有香味後即可。
3. 取適量薏米，加入滾水沖泡5分鐘，可因應個人喜好加入少許蜂蜜。

Photo from Pinterest

檸檬茶

檸檬除咗可以美白外仲可以瘦身，因為檸檬可以幫助人體溶解多餘嘅脂肪，清除身體中嘅毒素，促進新陳代謝。

做法：
將檸檬切成薄片後放入水中攪拌即可，可因應個人喜好加入少許蜂蜜。

Photo from Pinterest

普洱茶

唔少人飲茶時都鍾意飲普洱茶，因為普洱茶能夠去油膩，但其實普洱茶對減肥都有幫助。普洱茶有助消除身體內多餘嘅脂肪，更可以增強分解腹部脂肪，有助減肚腩。

做法：
取適量茶葉，加入滾水沖泡2-3分鐘後即可。

Photo from Pinterest

決明子茶

決明子有潤腸通便嘅功效，可以促進人體排便，有助排除人體內嘅毒素。此外，決明子亦有消脂嘅功效，可以幫助減肥。

做法：
取適量決明子，加入滾水沖泡15分鐘即可。

Photo from Pinterest

【相關文章】：《自製減肥零食食譜 30分鐘教你整雜莓燕麥能量棒》

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）