66歲廖啟智全面停工專心抗胃癌　樂觀積極面對：年紀大，機器壞

曾兩奪金像獎男配角嘅廖啟智（智叔），現年 66 歲，近日就有報導指佢不幸患上胃癌，目前需全面停工，並入院接受治療。報導中更指智叔曾一度病危，唔少圈中好友都紛紛拍片打氣。

智叔入行逾 40 年，曾出演唔少經典電視劇及電影如《點五步》、《十年》、《教束》、《尋秦記》等等，更分別喺 1993 年及 2009 年獲得香港電影金像獎最佳男配角，除咗佢嘅演技被受肯定外，更有「金牌配角」之稱。

而智叔唔止演技了得，佢仲喺圈中的絕世暖男丈夫及好爸爸嚟。 1987 年智叔與青梅竹馬嘅同學陳敏兒結婚後，育有 3 名兒子，惟當年細仔文諾年幼時患上血癌，抗癌 3 年終於 2006 年病逝。之後，敏兒因接受唔到細仔離世，而患上嚴重抑鬱症，雖然接二連三遇上不幸，他亦能坦然面對，並冇自怨自艾。

據知智叔喺去年接到噩耗後，已第一時間入院治療，為咗唔想打擾身邊人及別人為佢擔心，所以一直把患病消息低調處理，僅少數好友獲悉此事。

智叔喺醫院抗病期間，情況曾急轉直下，但佢亦堅持唔通知任何人，只有家人陪伴，幸好憑着堅強意志，最後病情總算穩定過來，而一班好友亦相當有心，收到消息後，紛紛拍片為喺病榻嘅佢打氣，希望佢可以早日康復！

報導並指向智叔求證患病一事時，佢並未有否認，並表示自己年紀大，機器壞，身體的確出現了不適，所以要趁早修理一下。又指現在專心調理身體，健康最寶貴，並多謝大家關心，以樂觀積極態度面對此事，有信心對抗病魔。

其後，佢所屬誠信娛樂發展有限公司亦即時喺社交網中發表聲明指智叔正接受專業治療和有家人悉心的照顧，全文如下：

而近年主力喺電影圈發展嘅佢，現時仲有 4 部電影尚未上映。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

余慕蓮情况穩定轉住普通病房！友人唔敢透露佢99歲母親離世消息

09 Dec 2020

83歲嘅余慕蓮早前入深切治療部留醫，更留下語音向好友道別，朋友指佢目前情况穩定，已搬到大房繼續接受治療。喺佢接受治療期間，99歲母親鄧美美於美國離世，友人至今仍唔敢向佢透露有關消息。

余慕蓮年過80，入住伊利沙伯醫院深切治療部多日，各界人士都為佢打氣，幸好佢病情穩定有好轉，完成頸部氣管造口手術，順利拔喉，轉往加護病房。

余慕蓮好友表示佢目前情况穩定無生命危險，已搬到大房繼續接受治療。

雖然仍未能進食同自行呼吸，需要喺鼻孔輸入營養液及喉嚨部位開造口插喉治療肺部，但佢精神唔錯，更主動同朋友開視像見面。

有消息指余慕蓮99歲母親鄧美美，12月7日於美國離世。原來余慕蓮媽媽都係女星，1947年入行後出演過多套作品。

不過余慕蓮曾提及同母親關係普通，母女感情疏離，更試過叫佢返去同父親生活。

雖然余慕蓮同母親感情一般，但考慮到佢嘅身體狀況，友人暫時未告知呢個消息。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）