李佳芯獲鋪路再奪視后？主演《智能愛人》安排於黃金檔期播出！網民：陸永成個ben sir咁
李佳芯（Ali）之前被TVB雪藏，連續4套劇集慘遭換角，不過有報道指Ali終於獲「放生」，更安排佢拍攝嘅新劇《智能愛人》喺黃金檔期播出，為佢再奪視后鋪路！
Photo from 李佳芯IG
李佳芯2018年憑《BB來了》首奪「最佳女主角」，榮登視后寶座，不過之後被公司「雪藏」，連成名作《BB來了》續集都無份拍。
Photo from 李佳芯IG
Ali連續4套劇被「飛起」，包括：《BB來了》續集、《踩過界2》、《白色強人2》、《星空下的仁醫》都被易角。連一早拍好嘅台慶劇都變倉底貨。
Photo from 李佳芯IG
Photo from 李佳芯IG
Ali其實已經加入TVB 10年，一直以嚟默默耕耘，由《學是學非》主持做起，之後屢次被安排做狐狸精角色，要到2016年《律政強人》先首度擔任女主角。佢今年原來已經38歲！真係keep得好好～
Photo from 李佳芯IG
事業上受到冷待嘅Ali一直無公開抱怨，多次表示會跟隨公司安排，而佢解凍嘅首部劇集就係《智能愛人》，佢飾演AI機械人。
Photo from TVB
做智能機械人對Ali演技係一大挑戰，零表情演繹，而且唔可以隨便眨眼，真係好辛苦！有指高層見到Ali演技出色都忍唔住大讚，更決定「放生」佢！
Photo from TVB
Photo from TVB
近日播出由Ali主演嘅《愛美麗狂想曲》話題度不錯，而Ali嘅演出亦備受讚賞，有傳TVB為配合myTV SUPER 5周年，將原定於5月播出嘅《智能愛人》提前上架，更安排劇集喺8月黃金檔期於翡翠台播放，力谷Ali人氣，為佢鋪路再做視后！
Photo from 李佳芯IG
Photo from 李佳芯IG
《智能愛人》Ali飾演嘅Al機械人要同馮盈盈爭陸永！3人劇中造型曝光，有網民笑稱陸永成個ben sir咁！
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Ali李佳芯罕有換新造型！網民讚減齡好靚女：呢個髮型好適合妳
9 Mar 2021
李佳芯（Ali）早前就傳出與拍拖 6 年嘅陳炳銓分手，加上自傳遭無綫雪藏後就只拍過《智能愛（AI）人》依套外判劇後便冇咩作品出街。而平日多數都係以露額髮型示人嘅佢，最近就換咗個新造型喎！
李佳芯自 2012 年轉投 TVB 後為人熟悉，喺 2018 年更憑《BB來了》新手媽媽「唐恬兒」一角首奪視后。
不過自 2019 年傳被雪藏後就冇咩作品出街。雖然少咗作品出街，但不時都會喺社交網 share 靚相。
近日佢就繼《智能AI（愛）人 》中就齊蔭造型後罕有咁剪咗瀏海，相中見佢頭髮就長度好似短咗少少，但都唔夠瀏海明顯。
今次佢就突意剪咗斜瀏海，有別於以往露額造型，令大家非常驚喜，佢仲留言：「夢 就是要奮力追來」。
唔少網民都留言大讚佢嘅新髮型好睇，更有網友形容其新髮型「靚兼型」，睇落仲後生咗唔少添「Ali剪頭髮了好好看」、「呢個瀏海好適合妳啊??」、「望多幾眼，發現呢個髮型都幾襯你」。
依個新髮型又真係幾襯佢喎！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李佳芯稱陳炳銓為「朋友」！疑宣佈回復單身：處理緊關係
18 Mar 2021
李佳芯（Ali）與男朋友陳炳銓拍拖6年，近日屢次傳出分手，李佳芯出席活動時終正面回應與對方關係，疑正式宣佈變返單身！
Photo from 李佳芯IG
李佳芯同陳炳銓嘅戀情雖然唔被外界睇好，事業發展上都係Ali比較好，但佢哋拍拖6年感情要好。
Photo from 陳炳銓IG
但早前Ali被發現搬離同陳炳銓嘅愛巢，雖然當時解釋係為咗方便工作，但到佢拍完新劇，但仍獨居於服務式住宅，或同男友感情生變！
Photo from 李佳芯IG
Ali上麥玲玲同Bob林盛斌主持嘅節目《Master's Talk 師父有請》時，麥玲玲就指李佳芯牛年同男友嘅關係有機會改變，李佳芯當時問：「即係一係結婚一係分開？暫時兩樣都唔係，未有結又未係分。」
雖然佢指同男友未分手，但出席活動時就稱陳炳銓為朋友，Ali表示一路好低調處理感情：「我一直都話係朋友。」
Photo from 李佳芯IG
佢又指處理緊雙方嘅關係，希望搵到一個令大家舒服嘅方式相處，言談間似乎暗示自己回復單身！
Photo from 李佳芯IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李佳芯再傳與男友陳炳銓分手？居所有肺炎確診個案仍拒搬回愛巢！
2 Feb 2021
李佳芯（Ali）與男友陳炳銓拍拖6年，一直感情要好，兩人更早已同居。但早前Ali被發現搬離愛巢，雖然雙方否認分手傳聞，但近日拍完新劇嘅Ali仍未有搬回愛巢，再傳出佢已回復單身。
Photo from 李佳芯IG
李佳芯早年喺有線電視做主持，自2012年轉投TVB開始為人熟悉，更喺2018年《萬千星輝頒獎典禮》上憑《BB來了》新手媽媽角色「唐恬兒」首奪視后。
Photo from 李佳芯IG
Ali事業得意，愛情亦有著落。佢與戲劇導師陳炳銓（Danny）拍拖至今已有6年。李佳芯不時會公開提及男友，兩人感情好好，更於西貢共賦同居。
Photo from 陳炳銓IG
不過Ali事業發展越嚟越順暢，外界一直唔睇好兩人，早前Ali被爆已搬離位於西貢獨立屋，移居紅磡服務式住宅，同男友疑情變。
Photo from 李佳芯IG
後來Ali澄清係為咗方便工作，而男友陳炳銓亦指兩人關係好好。
Photo from 陳炳銓IG
但有指Ali最近已拍完新劇，但仍獨居於服務式住宅，就算無工作都未有回西貢與男友見面。
Photo from 李佳芯IG
加上Ali獨居嘅服務式住宅有保安員確診患新冠肺炎，Ali寧留「疫區」都唔搬回愛巢，被指已回復單身。
而陳炳銓近日就喺IG出post似意有所指：「Can’t walk at the end of the road? Well, then swim. Even better~（路到盡頭行唔到？咁就游啦！仲好～）」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
