逾半數情侶偷睇另一半手機揭私隱！英國研究：10人中有4人每星期最少偷看一次

唔少人對自己另一半嘅手機唔多唔少都會有一定嘅好奇，相處耐咗，唔少人更忍唔住偷睇另一半嘅手機。而早前英國就有研究指，每 10 個女生中就有 4 人會咁做。而每 5 名男性中就有 1 人會喺另一半瞓咗之後偷偷用指紋解鎖偷睇對方電話！

研究中指近年愈嚟愈多情侶喺同另一半發展關係後，就會開始成日疑神疑鬼，怕對方對自己不忠，於是就會忍唔住想 check 對方電話！而英國家庭律師 Hodge Jones & Alle 更發現唔少情侶分手嘅原因正正就係佢哋喺另一半嘅電話中搵到一啲「證據」，當然依啲「證據」有可能係對方嘅過錯，或者只係一場誤會。

除咗 check 電話外，部份情人仲會喺另一半嘅手機上裝上定位系統，從而追蹤/監察對方。

依個研究一共收集咗 2,000 位英國人嘅調查，發現逾一半以上嘅人會喺過程中發現自己被騙或發現對方外遇。而期中更有 45% 人會選擇因此而結束依段關係。

一般情況下都會發現兩大偷情證據：

1. 對話最後用錫錫 Emoji

受訪者認同當睇到對方嘅訊息中，如果對話結尾加了一個錫錫 Emoji，就係其中一個被背叛嘅證據。

2. Like 其他異性朋友嘅 post

約 6 成受訪者認為，如果喺 check 手機時發現另一半 Like 咗其他異性朋友嘅 post，就會覺得另一半對自己不忠。

另外，調查亦發現，每 10 人中就有 4 人每星期最少偷看另一半手機一次。而男性就每 5 人中有 1 人會等另一半瞓咗之後，偷偷以對方嘅Face ID、指紋或密碼解鎖其手機！

不過，兩個人喺埋一齊，最重要嘅其實係溝通與尊重，先可以建立互信關係。而且喺依個電子化嘅社會，唔少人都會機都離手，有人更會喺電話中儲存重要資訊，如果因為咁唔小心 delete 咗就麻煩喇！所以有咩想知當面問對方唔係更好咩？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男生依個身高下幾乎單身？網友公開殘酷真相引熱議：XX以下就很難有對象

31 Mar 2021

唔少人搵另一半除咗要睇樣之外，其次就係睇身高。而近日喺台灣就有網友發文指自己針對身邊單身男性友人進行調查，發現喺一定嘅身高之下，幾乎都是單身！！

呢位台灣網友喺討論區表示根據自己嘅觀察，佢身邊大概 163 至 165 cm 左右高嘅朋友，都已經順利結婚生子，但反觀身高喺 160 cm 以下嘅朋友，喺感情上總係唔如意，唔係單身就係被飛。

因此佢就好奇問：「女生在選擇另一半，是不是以160公分（cm）當作最後分水嶺（意即底線）？男生多矮真的會完全沒有台灣女生市場？」

依個 post 一出，隨即引嚟唔少網友熱烈討論，仲有唔少人紛紛曝光自己心目中另一半嘅標準身高「170 是分水嶺，從女生那證實過的數字」、「170 以下不行開始就很難有對象了啊」、「160 以下我真的無法。希望至少 165」、「160 以上還可以，155 以上要非常喜歡，155 以下不太行」。

不過亦有網友認為，身高並唔係兩個人拍拖嘅標準，兩個人喺一起仲需要其他條件，如「我 187 還是沒人要啦」、「1.錢 2.帥 3.個性好，符合任2個條件都不用怕沒女生愛」、「臉、個性比身高重要很多」、「國中同學 160 左右吧！一直都有女朋友」、「我鄰居普通上班族 157，兩個兒子念小學」等等。

知大家心目中另一半嘅標準身高又係幾多呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男拍拖9個月被女友媽媽攞家用 網友：長痛不如短痛，以後禮金實出事！

29 Mar 2021

喺香港出來工作之後，子女比家用父母係好平常嘅事。近日，有位男網民就因為女朋友嘅母親向佢索取家用，而感到不知所措，所以就喺討論區向其他網民尋求意見，甚至問網民如果比係咪應該比2000元！

Photo from TVB

呢位男網民就表示自己同女朋友拍咗拖9個月，而女朋友媽咪就覺得佢一個月賺2.2萬，都算係好多，所以都應該要比一部份嘅家用佢。因為女朋友媽咪覺得自己將個女交咗比呢位網民，所以理應要報答養育女友之恩。

Photo from 香港討論區

而當男網民問女友嘅時候，女友都表示自己唔知點做好，不過由於佢哋兩母女由以前就一直捱窮，就話如果男友有能力幫忙都係好事。

Photo from TVB

男網民就話由於自己係第一次拍拖，所以唔太清楚要比幾多家用另一半嘅家人。仲話自己平常係將收入分為三份，比自己嘅父母、自己日常用同埋儲蓄，就詢問大家如果要比家用要比幾多錢。

Photo from TVB

呢個post一出，大部分嘅網民都係下面留言認為都未結婚根本係唔需要比家用另一半嘅父母，叫男網民千祈唔好比，以免女友媽咪得寸進呎！亦有網民就細心幫呢位網民分析話佢女朋友媽咪應該都幾貪錢，叫男網民將來一定要小心！

Photo from 香港討論區

Photo from 香港討論區

另外，有部分網民就勸呢位男網民快啲離開呢個女友認為佢哋係呃緊佢錢，仲話可能係新嘅騙錢手法！唔知大家又點睇呢件事呢？

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）