【解構心機女】何雁詩自責令老公被指「食軟飯」：咁啱每次我埋單都畀記者影到！
Photo from 何雁詩IG
《解構心機女》最大話題除咗有馮盈盈同江嘉敏充滿火花嘅互動之外，新一集仲請咗何雁詩同朱敏瀚做嘉賓，兩人都喺節目中分享同另一半嘅相處點滴。
Photo from 《解構心機女》
何雁詩提到每次問老公鄭俊弘「我今日有咩唔同」，對方都答唔出：「明明朝早同佢講我去整睫毛，夜晚問佢『我有咩唔同咗？』，佢淨係會話：『變靚咗！』」，不過何雁詩就話佢接受呢個答案。
Photo from 何雁詩IG
到情景題環節，被問到當差唔多食完飯會唔會主動埋單，全場只有何雁詩舉交叉牌，佢以自己之前經歷解釋指都曾經試過AA制或者主動請客，但點知被人多次影到係佢埋單，於是個男仔就被寫成「食軟飯」。
Photo from 何雁詩IG
Photo from 何雁詩IG
何雁詩講到相當無奈，馮盈盈即拍佢膊頭表示同情，何雁詩指上網買餸自己畀錢或私底下同返對方拆帳都無所謂，但喺外面一定要畀男仔埋單。
Photo from 《解構心機女》
早前何雁詩同鄭俊弘慶祝拍拖4周年，佢甜蜜表示由佢負責book枱，老公埋單，又指老公以前試過送百合同菊花畀佢，婚後肯為佢改變，轉送黃玫瑰令佢非常感動！
Photo from 何雁詩IG
Photo from 何雁詩IG
馮盈盈當日低胸打扮非常搶鏡，更喺節目錄製過程中不斷整理上衣，連男嘉賓朱敏瀚都指馮盈盈係主持人中最有心機！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鄭俊弘何雁詩婚房曝光！娘家5000萬獨立屋裝修超豪 婚後鄭俊弘榮升6億駙馬
24 Feb 2021
鄭俊弘同何雁詩結婚後榮升做6億駙馬！早前李丞責上佢哋愛巢睇風水，令鄭氏夫婦位於大埔嘅婚房曝光！其實何雁詩爸爸身家估計最少有$6億，佢婚前住$5000萬獨立屋待嫁，家境富裕。
Photo from 何雁詩IG
鄭俊弘同何雁詩上年11月結婚後經常夫妻檔出席活動，何雁詩爸爸喺內地有多間公司，喺香港持有3個價值超過$6,000萬物業，身家估計最少有$6億！雖然何雁詩稱唔清楚爸爸身家有幾多，但鄭俊弘仍被指榮升做6億駙馬！
Photo from 何雁詩IG
睇返何雁詩結婚前就同父母住$5,000萬嘅獨立屋，過大禮嗰陣有公開到豪宅嘅部份裝修，唔止有超高樓底，水晶燈等裝飾都透露出屋主嘅家境優越。
Photo from 鄭俊弘IG
Photo from 鄭俊弘IG
Photo from 何雁詩IG
早前李丞責師傅上咗佢哋嘅新婚房睇風水，令鄭俊弘同何雁詩嘅愛巢曝光！
Photo from 《天天開運王》
一入屋即刻見到佢哋夫妻嘅合照牆，成間屋以木色為主，走溫馨樸實路線。全屋共有3間睡房，除咗主人房之外，兩公婆更將一間客房改為音樂房。
Photo from 《天天開運王》
Photo from 《天天開運王》
Photo from 《天天開運王》
鄭俊弘何雁詩夫婦都係歌手，音樂房畀佢哋錄音、作曲、寫歌、彈奏樂器等等。
Photo from 《天天開運王》
婚房裝修別緻，同何雁詩娘家裝修風格唔同，婚前何雁詩就提到大部分婚禮開支都係兩夫婦自己畀，但承認爸爸有幫手，唔知女兒買婚房，何爸爸有無出手幫忙呢？
Photo from 《天天開運王》
Photo from 《天天開運王》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
蔡思貝Staycation唔著底底 姊妹睇到眼都突！何雁詩爭仔不敵蔡思貝無損閨蜜情？
23 Mar 2021
由Bob同麥玲玲所主持嘅《Master's Talk師父有請》，最新一集就邀請咗三位好閨蜜何雁詩、蔡思貝同埋賴慰玲上佢哋節目做嘉賓。佢哋三個互相爆料，關係親密，無論喺心靈上定肉體上都非常赤裸，令主持人都不禁羨慕佢哋嘅好感情～
Photo from 何雁詩IG
今期《Master's Talk師父有請》嘅主題係閨蜜，所以佢哋就邀請咗公認圈中好姐妹團嘅何雁詩、蔡思貝同埋賴慰玲。原來除咗佢哋三個之外，仲有陳瀅、吳嘉熙及陳嘉寶，仲話佢哋一齊起咗個團名叫做「SIXTERS」。
Photo from 賴慰玲IG
Bob喺一開始就先比咗個小測試嚟睇下佢哋親密程度，當被問到眾人嘅星座時，大家都口啞啞，所以問題改成眾人嘅生日日期。當問到何雁詩嘅生日時，賴慰玲就好有自信咁搶答「9月17日！」，點知正確嘅日期應該係11月2日！搞到何雁詩忍唔住笑到流淚，仲被眾人講笑咁話「大獲！佢喊喇！」
Photo from 何雁詩IG
另一位主持人麥玲玲就話內地有句名言「防火、防盜、防閨密」，所以啲人成日話女仔嘅世界係好難有真朋友。佢哋就話其實6個人嘅性格都好唔一樣，即使討論緊同一件事都會有各自嘅觀點，所以彼此從來都唔會比較。
Photo from 賴慰玲IG
而佢哋就話大家身體上同心靈上嘅透明度都好高！賴慰玲就爆料話有次佢哋全部人一齊去 staycation，而蔡思貝剛剛返到香港，行李唔喺身邊。當佢哋所有人都換曬浴袍嘅時候，就發現蔡思貝即使坐得好端正，但都比大家睇到佢走光。
Photo from 蔡思貝IG
佢哋亦表示因為成長背景同性格唔一樣嘅關係，所以擇偶條件都唔同。而唯一會令佢哋成個姊妹團瘋狂嘅男仔就係賴慰玲嘅三歲仔仔Marat ! 賴慰玲就話五位好姐妹都係仔仔嘅契媽，而仔仔就最鍾意蔡思貝，因為佢夠煩～
Photo from 賴慰玲IG
Photo from 賴慰玲IG
節目中，多緋聞嘅蔡思貝就被問到同余德丞、張振朗嘅關係，佢就直言同兩位嘅友情都係建基於工作上，並無私下約出嚟。而Bob就爆話余德丞曾經拍攝時玩「真心話大冒險」，話會揀蔡思貝做女朋友。佢就反駁話「外型係佢鍾意嘅，但靈魂唔係，因為我哋都太麻甩。」
Photo from 蔡思貝IG
Photo from 蔡思貝IG
最後，佢哋仲話希望6姐妹可以一齊合作拍戲，何雁詩就表示自己想演「企街」擺脫平常斯文形象，陳瀅扮演虔誠基督徒，賴慰玲就演唔識做戲嘅演員。仲講笑咁話希望快啲有投資者可以滿足佢哋～
Photo from 何雁詩IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
