江嘉敏跟風挑戰抖音奶醉妝開行美顏濾鏡改頭換臉變大細眼

By Cheryl on 29 Apr 2021

Digital Editor

無線花旦江嘉敏（Kaman）不論身材、演技、定是非都經常引起熱議。今年初，佢出席《萬千星輝頒獎典禮2020》時雖以密實銀色長裙現身，但仍然遮蓋唔到其臃腫身材；上月又被指同馮盈盈各有各自私P圖，未能瓦解雙方不和傳聞。Kaman向來熱愛喺社交媒體上載靚相為自己平反，噚日佢就喺大陸短片平台抖音跟風挑戰近期流行嘅「奶醉妝」。

Photo from 江嘉敏微博

Photo from Presslogic

微博同抖音近期興起「奶醉妝」熱潮，效果同日本盛行嘅宿醉妝相似，都以厚重胭脂作妝顏重點，令兩邊臉頰同鼻頭都充滿血氣，模仿飲醉後微醉嘅誘人面貌。抖音更有Filter專門模擬其上妝過程，吸引咗Kaman都玩埋一份。

Photo from 李雯鈺微博

影片內可見Kaman同其他大陸網紅一樣，頭擰擰郁下手指啟動Filter，模擬胭脂上妝，完成「變身」效果後，原本嘅江嘉敏已經消失咗，眼前只剩一個眼仔碌碌、鼻高小顏嘅網紅式靚女，要辨認佢都有少許難度。但玩社交媒體最緊要令自己同支持者快樂，相信Kaman會繼續將最甜美面貌展示畀觀眾欣賞。

Photo from 江嘉敏微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

馮盈盈江嘉敏破冰世紀合照！一人獲讚大方一人被指小器？網友：以德報怨向你學習！

9 Mar 2021

馮盈盈同江嘉敏曾經係好姊妹，但上年因「富豪船P」事件而「反目」，但兩人獲TVB委派齊齊擔任《解構心機女》主持，更世紀合照！

Photo from 江嘉敏IG

馮盈盈同江嘉敏兩人都是非多多，雖然姊妹情不再，但早前爆出兩人被TVB新上任高層曾志偉點名做新節目《解構心機女》嘅主持，外界關注兩人到底會喺節目擦出啲咩火花！

Photo from 江嘉敏IG

今日《解構心機女》終於開拍！馮盈盈更喺IG PO合照，佢留言：「20210309 破。冰...sorry打錯，走冰先啱，珍珠奶茶少甜走冰。知道嘉敏今日第一次做主持請你飲珍珠奶茶，為你加油打氣，我哋一齊做好個show！#解構心機女#珍珠奶茶 #台灣風味 #少甜走冰 #低糖低熱量 #期待新火花」

Photo from 馮盈盈IG

馮盈盈「萬歲」請晒全場飲嘢，曾經同對方情同姊妹嘅佢仲特登為江嘉敏嗌少甜走冰嘅珍珠奶茶，非常細心！佢為首次做主持嘅江嘉敏打氣獲網友大讚「完美展現以德報怨，要好好向你學習」。

Photo from 馮盈盈IG

有網友就發現馮盈盈同江嘉敏合照中兩人都有啲拘謹，但馮盈盈喺合照、Story都有tag江嘉敏，表現大方。

Photo from 馮盈盈IG

相反江嘉敏喺IG亦只係晒出個人照：「一直很感恩公司的栽培。我今年是第一次參與新年Show，很開心很興奮亦很感恩能有這個機會，能在一個喜慶的節日跟大家分享快樂。再次恭祝各位身體健康，心想事成，疫症快點兒消失，每個人都可以去旅行。而且，今年也是我第一次在TVB裡當主持，又興奮又緊張！明天 #盧小寶可以放假一天，江嘉敏出來，繼續絞盡腦汁花盡心機去做《 #解構心機女》！#第一次係TVB做主持 #聽日第一日開工喇我 #辛苦經理人劇組同節目組一齊幫我夾期 #我會努力好好學習 #3月底開始麻煩大家要開電視喇 #到時真係要 #睇我啲片要開喇叭 #有幾位綜藝師姐帶領住我呢個新人 #外景緊差啲唔記得出post #新年show中咗個大大金元實帶俾我運氣」

Photo from 江嘉敏IG

成個POST都無提過馮盈盈，僅以「幾位綜藝師姐」一句帶過，有網民mean爆留言：「好心咪咁小氣啦,被人話幾句都唔得,咁中意del睇你del得幾多」似乎被江嘉敏del過留言！

Photo from 江嘉敏IG

其實馮盈盈同江嘉敏曾經係好姊妹，但於2020年馮盈盈同江嘉敏被爆一齊參加賭王四房兒子何猷亨豪華遊艇船P，馮盈盈即被指想「釣金龜」，佢當時指係江嘉敏介紹佢去，不過江嘉敏就喺IG暗指有人講大話，兩人決裂。

Photo from 馮盈盈IG

Text: HolidaySmart Editorial

江嘉敏遭疑似前fans力數N宗罪！EQ低/態度差/雙面人/?着數/當fans下人江嘉敏反斥對方係假fans

8 Mar 2021

江嘉敏近日再惹是非！喺連登討論區有自稱曾係江嘉敏fans網友爆料，叫對方檢討下點解會有咁多粉絲流失，更公開對話截圖，力斥佢「EQ又低又串串貢又貪心」。

Photo from 江嘉敏IG

網友喺連登開post「入咗FANSCLUB先知江嘉敏係有幾黑暗」，直指江嘉敏最大嘅問題係在於從來唔覺得自己有問題，又表示佢「次次有咩事都剩係識不斷為自己辯駁，將責任推向人地度，有無限嘅藉口不斷死雞撐飯蓋。」

Photo from 連登

Photo from 江嘉敏IG

樓主力數對方EQ低、串串貢、貪心、態度差過好多輩份比佢高嘅人、?Sponsor、去到邊都想攞人著數、叫人幫手買嘢但無還返錢。

Photo from 江嘉敏IG

自稱係前fans嘅樓主仲公開咗一啲對話截圖，相信係江嘉敏fansclub嘅群，一共有303人，其中有人代表江嘉敏問fansclub成員有無人做氣球生意，當時無人回覆，兩日後該代表再之追問仍未有fans回應，樓主指當時近江嘉敏生日。

Photo from 連登

樓主又稱江嘉敏當fans係下人，與fans見面時完全唔幫手set場，走嗰陣唔同fans講bye bye，樓主指對方話送英國手信畀fans，但啲手信擺咗一年先送，又唔係親手畀，而係叫Fansclub其他人幫佢畀：「真係有心送嘅話會唔會係咁。」

Photo from 江嘉敏IG

樓主之後仲公開咗微信截圖，指江嘉敏「恃住自己識其他明星嘅FANS就托人地買野，但幫佢買完又唔講幾時交收」，對話截圖中有其他明星嘅台灣fans話買三文治送去畀江嘉敏食，江嘉敏表示可能要買兩盒同揀咗唔同味，但約佢交收時江嘉敏就無回應，班機提早咗又無講到，結果fans要跟個會長搭的士過去畀佢。

Photo from 連登

有網友加入爆料指早兩年賣衫時遇過江嘉敏，對方試過?Sponsor，又表示江嘉敏人前笑晒口，背後又唔同樣，力斥佢係雙面人，樓主回覆指「係架，叫佢注意下態度同語氣又話自己性格係咁改唔到」

Photo from 江嘉敏IG

對於疑似係前fans嘅指控，江嘉敏反指對方唔係佢嘅真fans：「佢真係唔了解我」，又指對方所言係完全作出嚟，扮係佢fans。江嘉敏表示當時係台灣拍戲有fans探班，出於好意買好多嘢畀全部劇組人員食，唔止佢一個。至於被指?Sponsor、攞著數，江嘉敏亦否認，指佢嘅工作需要唔會叫fans做，而係會交返畀公司處理。

Photo from 江嘉敏IG

江嘉敏表示呢排好多假ac造遙抹黑，佢封鎖、刪除咗成2,000幾個帳戶。而連登post樓主則表示：「自稱前粉絲就係假，咁我點會擁有來自你FANSCLUB嘅對話CAP圖」

Photo from 連登

Text: HolidaySmart Editorial

馮盈盈豪送FENDI畀助手！出手闊綽提早買聖誕禮物價值4位數！

8 Dec 2020

馮盈盈入行一路以嚟都非常出位，之前又狂晒名牌袋。佢早前開live提到請助手有超多要求，而新請返嚟嘅助手返工無幾耐，但馮盈盈都豪送名牌聖誕禮物畀佢！

港姐冠軍馮盈盈入行以嚟言行一直出位，又不時喺網上大晒各種Hermès名牌手袋，佢甚至更因為展示富貴生活被傳成前老闆陳國強「新寵」。

Photo from 馮盈盈IG

馮盈盈否認同「殼王」陳國強有私下聯絡，指自己所有名牌都係靠自己努力工作賺錢買。

Photo from 馮盈盈IG

近日馮盈盈經常開live，有一次佢邊揸車邊同網友交流，更提到自己嘅助手。有網民對助手工作相當好奇，而馮盈盈亦一一解答。

Photo from 馮盈盈IG

馮盈盈表示請助手要求唔少，直言「我助手好多嘢做㗎」，提到要幫手開live：「開工助手照顧我，例如補妝，化咗妝飲嘢要用飲管，隨身要帶粉餅、唇膏、鏡、牙簽、紙巾呀！平時尿袋要叉足電，我啲隨身物都畀晒佢睇住，好似車匙、劇本、電話、銀包咁。」又提到平時佢IG Story、相都要助手幫手影，去公廁時仲要助手幫忙拎香薰，等佢如廁嗰陣感覺良好啲。