孟瑤過去曾經被受王晶力捧，仲因此而被稱為「晶女郎」，但結婚後就淡出咗幕前。不過自從佢上年自爆離婚之後，就返香港工作，搬入半山豪宅，依然過緊好富貴嘅生活！

Photo from 孟瑤微博

現時35歲嘅孟瑤喺2007年因為拍攝電影《七擒七縱七色狼》嘅主演，而備受關注，仲因此得到王晶嘅賞析，成為「晶女郎」！不過佢喺2008年就同經營內衣生意嘅富二代周磊結婚，當時仲獲老爺送贈北京3,000呎豪宅，並與同年誕下兒子Dustin，之後就減少咗好多幕前工作。

Photo from 《七擒七縱七色狼》

Photo from 孟瑤IG

上年，孟瑤自己喺微博公布已經於2019年離婚嘅消息，現時正共同撫養緊兒子。結束咗婚姻之後，佢就搬咗嚟香港，住入位於西半山嘅天匯3,000呎豪宅，該屋苑亦住咗唔少名人。據悉，同面積嘅單位售價超過$2億，而租金都要至少$15萬一個月！

Photo from 孟瑤微博

Photo from 孟瑤IG

而佢平時嘅生活都非常富貴㗎，有空閒嘅時候就會去打高爾夫球、玩水上運動，仲會大曬名牌包包，佢其中一個Hermès鱷魚皮手袋仲已經俾人炒到價值炒過$180萬！

Photo from 孟瑤IG

Photo from 孟瑤微博

最近，孟瑤就獲曾志偉邀請返TVB拍攝《開心大綜藝》，話自己而家已經有新對象，表示唔希望暴露太多關於圈外男友嘅嘢，仲話自己到而家都依然好相信愛情！

Photo from 孟瑤IG

Photo from 孟瑤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

雷凱欣息影過少奶奶湊仔生活 IG大曬名牌手袋收藏大呻「買太多嘅煩惱！」

1 Apr , 2021

雷凱欣喺2011年因為拍攝三級電影《3D肉蒲團之極樂寶鑑》而突然成名，但自從同車行太子爺陳智聰結婚之後，就淡出幕前，專心做少奶奶！日前，佢就喺IG Story 大曬自己嘅名牌手袋，仲表示自己因為買得太多名牌袋而非常煩惱！

Photo from 雷凱恩IG

雷凱欣曾經因為拍攝《3D肉蒲團之極樂寶鑑》而一炮而紅，憑著佢36F嘅好身材仲被人譽為「雷神」，係當時好多宅男心目中嘅女神！當時有傳佢因為戀上車行太子爺陳智聰，所以好快就淡出咗娛樂圈並且結咗婚，喺2017年仲誕下兒子Jax，成為幸福少奶奶！

Photo from 雷凱恩IG

Photo from 雷凱恩IG

日前，佢就喺自己嘅IG Story度上載咗自己嘅名牌手袋收藏，而係照片上佢就寫上「Factory mode」，並且見到有好多透明膠袋套住曬佢嘅手袋們，睇嚟佢正喺度執緊啲手袋～望住咁多嘅手袋令佢非常苦惱應該點樣收好佢哋！

Photo from 雷凱恩IG

Photo from 雷凱恩IG

由相片可見，佢有好多唔同款式嘅CHANEL手袋！另外亦有其他知名嘅牌子，例如LV、Dior、Prada等，睇嚟佢非常鍾情於名牌手袋～而佢收藏手袋嘅方式亦非常隨意，只見佢將手袋幾個幾個咁疊起擺入櫃，完全唔驚會因此而令到手袋變形！

Photo from 雷凱恩IG

Photo from 雷凱恩IG

佢嘅IG除咗會分享下自己平常少奶奶嘅生活之外，仲會經常大曬湊仔仔Jax嘅照片，生活非常幸福！

Photo from 雷凱恩IG

Photo from 雷凱恩IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）