【母親節】兩孝子酒樓爭枱？ 「武」親節奇景！ 網民：以為爭俾錢，場面溫馨！

昨日母親節，好多家庭都同媽媽飲茶慶祝。雖然節日已過，但仍有家庭送上壓軸戲。昨日，社交網站瘋傳1段短片，顯示兩幫家族喺酒樓大打出手！場面暴力，引起網民熱議。

Photo from 連登討論區圖片

昨日母親節（9/5），疫情下無阻市民到酒樓慶祝。但多人地方容易起爭執，有社交網站瘋傳一條長約四分多鍾短片。片中，有大約10人於一酒樓圓枱發生爭執，大打出手，涉事者有男有女，場面暴力。現場更有小孩觀看，有網民擔心對女孩造成心理陰影。

片中，可見黃衫女及黑白衫女子首先開戰，雙方互扯頭髮，紫衫女隨即加入戰團，貌似保護前者。混戰中一名灰衫女使出爆碗招式。好快，黃衫女馬尾在混亂中鬆脫，其對手都披頭散髮。

Photo from North District 北區 2.0 Facebook 截圖

Photo from North District 北區 2.0 Facebook 截圖

Photo from North District 北區 2.0 Facebook 截圖

母親節唔係女士專享，連男士都參戰。承接上回，白衫眼鏡男竟攞出鐵茶壺兜頭扑向紫衫女，疑似護花，現場傳出響亮「扑扑聲」，有網民認為佢好會善用環境。

Photo from North District 北區 2.0 Facebook 截圖

現場傳出疑似黑衫女子哀哭喊聲，一名小女孩則冷靜坐喺同枱，未知是否被嚇呆。

Photo from North District 北區 2.0 Facebook 截圖

Photo from North District 北區 2.0 Facebook 截圖

其他親人及酒樓員工都幫手停戰，出手攔住兩幫家族，亦有經理開始執枱。

Photo from North District 北區 2.0 Facebook 截圖

休戰之際，有紅衣女突然拿起保溫壺企圖掟向眼鏡男，疑似為親友報仇，幸被職員奪去「武器」，紅衣女續指罵眼鏡男。

Photo from North District 北區 2.0 Facebook 截圖

場面失控，更有人大叫報警，但影片中未知執法人員有否到場。有網民指，事發地點於東莞。根據當地網民描述，事發當日，黃衫女早於八點已到酒樓排隊，打算同女孩、母親、家婆飲茶慶祝。但一名男子見位即搶，雙方發生口角繼而動武，有指女孩更被茶水潑到。

Photo from Vanny Ch Facebook

Photo from 微博截圖

網民形容此情景為「武親節」，「母親們打成一片，場面感人」，又指現場細路表現鎮定，係未來人才，但有人猜測係佢平時見慣同類場面所致。亦有網友認為女人打交男人不應插手。

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Photo from 連登討論區評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男被女友要求買母親節禮物比佢媽咪 港男：我媽都冇咁過份！

7 May 2021

母親節就到，好多人都苦惱緊應該買咩禮物去孝敬媽媽。近日，有港男就喺討論區訴苦話女友整咗個清單俾佢，叫佢從中選一樣送比佢媽媽做母親節禮物，佢就大呻連自己媽媽都冇咁過份！

Photo from TVB

最近，有位港男就喺香港討論區度訴苦話，今年女友竟然要求佢送母親節禮物俾未來外母！港男表示自己家人一向都好簡單咁過母親節，自己媽咪亦冇話特別鍾意收禮物，所以佢多數都係買香水俾佢。而今年家人就安排咗喺星期五提前慶祝，所以母親節正日會去女友屋企慶祝！

Photo from 香港討論區

然而，港男今日就收到女友send比佢嘅購物清單，裡面有唔同嘅小型電器，包括有氣炸鍋、風筒、吸塵器等，本身以為係女友工作上嘅嘢，所以就無視咗。

Photo from TVB

直到女友開口同佢講話喺清單裡面選一樣，當做母親節禮物買比佢媽咪，比好啲嘅印象佢。女友仲話清單上嘅嘢並唔難買，去電器鋪就買到，不過一定要買返指定嗰啲，仲叮囑佢千祈唔好買同類型但唔同牌子嘅電器，因為佢媽咪會唔鍾意！

Photo from TVB

聽完之後，港男就話自己呢次決定出席聚會時唔送禮，仲話自己媽咪都未做到咁過份！如果女友媽咪真係想要禮物，就主動同佢講。

Photo from TVB

唔少網民都喺下面留言，有啲網民就認為港男唔應該買，認為母親節係送禮孝敬自己嘅媽咪；但亦有部份網民認為上人屋企食飯就應該攞禮物去，以示禮貌。

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男賣樓移民遭阿叔勸平租兼供完再八折賣堂弟！網民：供完升值仲要八折比佢，傻架？

4 May , 2021

香港嘅樓市可以話係有價有市，但喺依個有升無跌嘅情況下，唔少年輕人更係上車冇望，而近年就有一班成功「上車」嘅港人打算移民賣樓。但最近就有網友喺討論區留言，指佢被一個好日都唔會聯絡嘅阿叔要求平租未供完嘅單位畀佢堂弟，之後再 8 折轉售，引嚟網民熱討。

Photo from TVB

依位網友喺討論區發文指近期打算賣出已供款數年嘅物業，並且移民海外：「呢年乜環境大家心照啦，我身邊好多人都準備緊賣樓移民，我自己都準備緊，層樓供咗幾年，家下賣出去都仲有賺，都搵緊買家。點知我阿叔聽到我想賣樓走人，就立即搵我，問我有乜計劃，有乜打算之類，平時一年都講唔夠十句嘢，除咗新年同清明之後都冇乜機會見到佢，都知唔方有乜好嘢。」

Photo from TVB

之後，佢就指自己估中：「阿叔直接叫我，反正都要走，不如唔好賣樓，將供緊呢層樓留比我堂細佬佢個仔………阿叔話，反正我父母間公屋已經買咗，唔怕冇地方住，加上我層樓都仲要供多十幾年，不如留層樓比個堂細佬，最多交返二三千蚊租，供完咪八折賣比佢。」

Photo from TVB

樓主亦更補充大家指佢阿叔係一個任職地盤嘅工人，從小就知對方「爛賭」又經常花錢召妓，最終與妻子離婚。而佢堂弟則由細到大都讀唔成書，自中學就經常休學，考試更係滿堂紅，喺屋企咩都唔做 2 年先肯打下散工，被勸去阿叔地盤打工時就嫌工作太辛苦，認為自己有學識「唔應該出賣勞力」。

Photo from 《做工的人》截圖

帖文引來討論，唔少網民睇完都忍唔住問「傻的嗎？」，更一面倒地批評樓主阿叔「搵自己人笨」，指樓主供完款，物業應已升值唔少，仲要八折賣畀堂弟「點解八折，同佢講市價加兩成啦」、「呢啲人擺明就諗住搵笨啦」、「佢係咪想租佢間屋，當買當供樓？」，並勸樓主倒不如賣樓套現以保障移民後嘅生活。

Photo from discuss.com.hk

Photo from discuss.com.hk

Photo from discuss.com.hk

其後樓主亦有留言回應網友，指佢當然冇答應阿叔嘅提議，自己聽完「笑笑口咪算」，不過佢就覺得對方係認真。

Photo from discuss.com.hk

如果係你又會點拒絕阿叔呢？！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）