【燕麥功效與禁忌】即食、快熟、原片唔同特性＋食法！5種人不宜食！錯誤食用易引反效果！
因為低卡路里且能降低膽固醇，令燕麥近年成為健康及減肥的熱門食品之一，唔少明星及營養師都曾大力推薦，但原來錯誤食用反而會引起反效果！唔同種類的燕麥亦有唔同特性及食法，而且唔係個個人都啱食！今次來一文睇清各類燕麥的特性、正確食法、副作用及邊5種人不宜吃！
Photo from 黃翠如IG_wongtsuiyu
各類燕麥的分別
燕麥亦稱為麥皮，屬於全谷類食物。一般分為即食燕麥、快熟燕麥及原片燕麥，三種的加工程度、切割方式唔同，口感亦唔同。相比切片及碾平加工後的燕麥，原粒燕麥的膳食纖維更高，更能增加飽腹感，有效控制食欲及體重，亦幫助促進腸道蠕動及排毒，最適合減肥的人食。另外，建議購買時留意營養標簽，選擇高纖維、低糖及低鈉的燕麥產品，避免增加肥胖、糖尿病及心臟病等風險。
每粒燕麥經過烤焗，切成薄片再碾平，外形比較薄，水分含量低，所以加熱水就可以食，無需烹煮。
每粒燕麥粒切成厚片，再碾平，外形會比即食燕麥厚一點，需要烹煮15分鐘才能食，有點嚼勁不軟爛。
完全沒有切片或碾平，保留全粒完整形狀。需要烹煮30分鐘才能食，口感比較有彈性嚼勁。由於加工程度最低，比起即食及快熟燕麥更需要時間來消化及吸收，所以升糖指數較低，能避免進食後血糖突然飆升，延長飽足感。
Photo from UrbanLife Health
燕麥食過量的副作用
-
三酸甘油酯升高
雖然燕麥能降低膽固醇，但因為富含碳水化合物，所以唔建議餐餐當飯食，食過量可能令三酸甘油脂升高，容易引起肥胖性高血壓、糖尿病、脂肪肝等疾病。
-
容易消化不良
燕麥本來就是唔容易消化的食物，如果一次食太多，反而會導致消化不良，嚴重者更可能胃痙攣。尤其腸胃不太好的人，食多更難消化。
-
容易脹氣
燕麥含有豐富膳食纖維，但食過量會導致難以消化的纖維素積聚在腸道，容易出現脹氣情況。
Photo from UrbanLife Health
燕麥正確食法
成年人一日不能食超過75克的燕麥，否則過量會有反效果！如果想完整攝取燕麥的營養，但又唔想食得太單調，不妨在食用方式有點變化。例如一日是燕麥加牛奶，第二日可以煮成粥，第三日改加豆漿、生果或雞蛋等，只要唔好長期搭配單一食材，就唔怕有不好的影響。另外，燕麥含有大量碳水化合物，唔建議加入糖漿、煉奶等高卡食物，隨時越食越肥啊！
Photo from 隋棠IG_suitangtang
5種人不宜食燕麥
-
貧血、缺少鈣者
很多人都鍾意牛奶加燕麥一起食，但如果有貧血、骨骼疏松的人及老人家就唔建議啦！因為燕麥的植酸及草酸含量高，而牛奶有高鈣質及鐵質，當兩者一起食用，反而會影響鈣質及鐵質的吸收。
-
腸胃敏感者
燕麥的纖維粗糙，比較難消化，所以腸胃功能弱或容易脹氣的人，食太多燕麥容易腸胃唔舒服。尤其是老人家更要注意，切記適量食用。
-
慢性腎衰竭病者
由於燕麥含有大量的蛋白質、鉀及磷，難以排出體內，如果當成主食，腎臟功能不好者的身體可能沒辦法承受。
-
糖尿病患者
雖然燕麥可以幫助降低血糖，但始終屬於澱粉類食物，而糖尿病患者只能攝取適量澱粉，所以亦不宜食太多。
-
麩質過敏癥者
由於所有麥類制成的食物都含有麩質，如果對小麥過敏應避免食用，否則可能造成腹瀉、便秘、腸躁癥、濕疹、頭痛及肌肉關節痠痛等。
Photo from UrbanLife Health
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
