新冠陽性男上樹瞓自我隔離！離地3米保持社交距離 11天後竟轉陰性？

新冠肺炎仍然肆虐，全球多國都實施各式各樣防疫措施。重災區印度更面對醫療體系崩潰，就算去醫院都未必能夠獲得治療。一名印度青年近日驗出新冠陽性後，決定唔去醫院，但為咗減低傳染畀家人風險，佢喺家前大樹上起一張木床作自我隔離。隔離11日後，佢嘅檢測結果竟然轉為陰性，引起網民熱議。

Photo from CharanTeja Twitter @CharanT16

喺印度嘅那爾貢達縣（Nalgonda）偏遠部落村莊科薩南迪康達（Kothanandikonda）入面，住有一名叫Shiva (Ramavath Shiva Nayak)嘅18歲青年。佢於本月初接受新冠病毒檢測結果呈陽性，需要接受隔離。

Photo from CharanTeja Twitter @CharanT16

由於而當地醫療系統已不勝負荷，所以Shiva決定唔住院。但佢居住環境狹小，加上繼續住喺原家必定會增加家人被傳染風險。於是，Shiva靈機一觸，將一張木床綁喺屋企附近嘅一棵樹上，離地3米，並打算畀自己喺樹上暫住隔離。

Photo from CharanTeja Twitter @CharanT16

Shiva喺樹上暫住咗足足11日，佢表示大部分時間都以睇書同聽歌嚟消磨時間。喺依段時間入面，Shiva媽媽都會將食物放喺樹下嘅椅子上，再致電通知佢，甚至會將佢哋放喺籃子內，拉到樹上畀Shiva食用。生理需求方面，佢僅靠一條繩索和水桶解決。

Photo from CharanTeja Twitter @CharanT16

神奇又詭異嘅係，Shiva喺18日再次接受新冠檢測後，其結果竟然轉為陰性，症狀亦消失。而Shiva喺收到醫師同意下先結束自我隔離，返回地面同家人團聚。部分網民覺得自我隔離都有佢嘅用處。亦有專家學者認為，每個人感染新冠後嘅反應同症狀都唔同，有部分人好似Shiva咁短期內由陽轉陰，但亦有人好快就惡化成重症，認為大家應該要遵從專業醫療意見。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）