3位外國「媽寶男」曝光！ 媽媽喂食飯/情人節三人一起過？！

相信好多女仔都好驚自己嘅另一半會係 「媽寶男」！最近，外國就有一個節目《我的男友是媽寶》（I Love A Mama Boy）裡面就介紹咗幾位媽寶男，佢哋嘅誇張行徑嚇到唔少嘅觀眾，有人甚至要媽媽喂飯！

Photo from 《我的男友是媽寶》

外國節目《我的男友是媽寶》（I Love A Mama Boy）就先介紹「媽寶男」1號Matt同女友Kim，Matt同媽媽Kelly喺同一間公司返工，所以兩人每日都會一齊開車出門，母子之間連休閒嘅時候都係一齊活動。母子之間關係緊密，令女友有時候會覺得自己先係「電燈膽」，令兩人嘅情侶關係變得緊張！

Photo from 《我的男友是媽寶》

Matt為咗緩和同女友嘅關係，就邀請媽媽同佢去買情人節禮物俾Kim。期間，佢哋進入一間女士內衣店，但最後Matt竟然幫女友同媽媽買咗一模一樣嘅睡衣，令到店員都忍唔住呆咗！

Photo from 《我的男友是媽寶》

Photo from 《我的男友是媽寶》

節目中嘅「媽寶男」2號Mike因為8歲嘅時候經歷喪父，同媽媽Liz自細就相依為命。而佢媽媽就非常疼愛Mike，認為呢個世界冇人係可以配得上佢個寶貝仔，所以當Mike結識女友佢就會好嚴格對待對方。

Photo from 《我的男友是媽寶》

Photo from 《我的男友是媽寶》

Mike而家嘅女友Steph就經常都俾Liz盯住，仲要成日去佢哋屋企睇住佢哋，嚴格咁控制Mike嘅飲食，包括：屋企唔可以有含糖製品同埋零食、突擊檢查櫥櫃、定時定候打電話等。

Photo from 《我的男友是媽寶》

而Mike亦非常聽媽媽Liz嘅話，喺女友生日嘅時候，三人一齊去珠寶店買禮物。期間，女友Steph就睇中咗一條價值美金1000元的紫水晶耳環，不過就立刻被Liz阻止，仲叫店員攞價值美金300元嘅就得！不過，Steph亦好識做，最終選擇咗價值美金145元嘅手鐲。

Photo from 《我的男友是媽寶》

Photo from 《我的男友是媽寶》

節目中最後一位嘅「媽寶男」Shekeb俾媽媽喂飯、刮背毛等，都係佢嘅日常生活。由於媽媽Laila嘅思想傳統，所以佢認為兒子搵老婆要同佢一樣先得。因此，Shekeb同韓籍女友Emily 嘅戀情都隱瞞咗一年半先公開，但媽媽就對女友非常不滿！

Photo from 《我的男友是媽寶》

Photo from 《我的男友是媽寶》

情人節當日，Emily就要求想同男友二人世界，但媽媽一聽到之後就隨即大喊「你要佢，唔要我喇！」，令兒子左右為難！

Photo from 《我的男友是媽寶》

Photo from 《我的男友是媽寶》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）