泰國政府奇招呼籲民眾接種疫苗！數千人為贏獎品踴躍參與！

疫情爆發已經超過一年，隨住疫苗嘅出現，各國都紛紛推出唔同嘅疫苗計劃吸引當地嘅民眾盡早接種。而近日喺泰國就為咗吸引更多人打針，推出打針贏小牛計劃，成功令原本只有數百人嘅申請人數，急升至數千人申請，可見大家都好想得獎。

全球各地疫情持續，各國為令疫情可盡快得到以控制，紛紛推出唔同嘅疫苗計劃。就以泰國為例，全國一共有 6.6 千萬人，目前已有至少 164 百萬人已接種第一劑疫苗，另外亦有超過 7 百萬人已申請接種。

Photo from The Straits Times

而喺泰國嘅北部清邁湄曾區為咗可以令村落嘅居民可以盡早接種疫苗，所以就推出有獎疫苗計劃，計劃指於 6 月起所有接種疫苗嘅民眾，都有機會喺每週舉行嘅抽獎中贏取 1 隻價值 10,000 泰銖（約港幣$2,472）嘅小牛。

對城市人嚟講 1 隻小牛可能並冇咩吸引力，但對於泰國嘅村落嚟講又係另一回事，小牛對村落嚟講係非常值錢嘅物資，而且非常值錢。因此吸引咗唔少人申請接種疫苗，令當初只有數百人參與嘅計劃，急升至數千人參加，可見有獎疫苗接種計劃嘅成效非常好。

而除咗清邁湄曾區計劃出抽小牛嘅計劃外，泰國嘅其他地區亦紛紛仿效做法，當然每個地區都會有唔同嘅獎品喇，如：商舖優惠券、現金或金飾頸鏈等等，從而吸引更多人打針。

唔知大家又覺得點呢？

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）