盤點5個打工仔們的黑雨經歷！出咗門口先黑雨/有公司強迫返工?!

日前，天文台發出咗今年嘅第一個黑色暴雨警告。由於發出時間十分尷尬，唔少網民都已經出門返工，導致一班正在返工嘅打工仔非常狼狽！而家就一齊睇下網民們遇到暴雨時嘅經歷啦～

Photo from TVB

連日嚟都落大雨，天文台仲喺琴日早上首次發出咗今年嘅第一個黑色暴雨警告！不過當時大部份嘅打工仔都已經出咗門口準備返工，唔少網民都紛紛去天文台FB留言大呻苦況啊！而家就等我哋一齊睇下打工仔們喺遇到暴雨時嘅經歷啦～

水浸

由於雨量好大，唔少網民都表示其實出門口時，屋企門口都已經開始有水浸嘅現象！奈何當時依然係紅雨，令佢哋唯有忍住衫褲鞋襪濕晒嘅情況出門。其中港島西、南丫島等地區仲錄得逾150毫米雨量，有住喺南丫島嘅網民表示大雨到「好似要游水出屋企咁」！

Photo from 天文台FB

Photo from TVB

返工途中黑雨

唔少網民喺黑雨警告發出時，都已經出咗門口返工，令佢哋感到非常迷惘，唔知應該點好；亦有唔少網民表示佢哋而家係塞緊車，留言話「天文台不停叫我哋留喺安全地方，但我而家係路中心...」等留言！有部份網民就表示已經返到公司，覺得好可惜好似蝕咗咁。

Photo from 連登討論區

Photo from 連登討論區

公司冇指引

有尚未返工嘅網民表示公司並冇俾指引佢哋，驚其他同事全部都返晒工，得佢冇返，令老闆對佢印象唔好！有網民附和佢，話自己而家都好糾結應該點算好；但有網民就好果斷回覆話「有咩好指引，直接訓多陣啦！」

Photo from 連登討論區

Photo from TVB

公司強迫返工

當黑雨警告生效時，唔少公司都會因應天氣情況，以員工嘅安全為優先作出特別安排。有網民就喺討論區大呻老闆竟然要求佢如常返工，仲話1個鐘頭內要到達公司。網民就向老闆表示佢今日請大假，但老闆竟然話會當係曠工處理！

Photo from 連登討論區

Photo from TVB

網民神預測？！

唔少網民都表示好肯定黑雨警告唔會延續到下午2點，仲喺討論區發下毒誓，亦有唔少人表示「打定輸數」預備返半日工！果然天文台喺大約3個鐘頭後，就改成紅雨警告，睇嚟各位都係「預言家」呢！

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）