港女想結婚 男友自爆已婚有樓「結婚只為按揭更平」網民：你係永遠嘅後備！

坦誠係建立感情中關鍵一環，否則關係難以長久。最近，一名女網民上網發文，稱自己打算同拍拖一年嘅男友買樓結婚，豈料男友自爆已婚有樓，並聲稱結婚只為買樓按揭，一收樓就會同妻子離婚。女網民對於自己突然成為第三者感到崩潰。

Photo from 談情說案 TVB

最近，一名港女於親子王國討論區發文，指自己與男友拍拖逾一年，雖然上年因疫情少見，但仍會到酒店過夜。佢又指，男方對自己呵護備至，令有離婚經歷嘅事主認定佢係真命天子。

Photo from 談情說案 TVB

沐浴於愛河嘅女事主打算同男方建立家庭，所以自行搵咗經紀詢問買樓詳情，再分享資料畀男方細閱。點知，男方就同事主坦白，指自己係已婚有樓人士，又稱結婚只係為咗買樓做按揭更便宜，所以都唔係好愛「老婆」，無影結婚相亦無同居。

Photo from 愛回家之開心速遞 TVB

Photo from 親子王國

男方遂向事主認錯，表示自己係真心愛事主，希望佢等自己離婚，亦承諾會賣樓分帳，但由於賣新樓要交稅，所以要等幾年先可以離婚，耗時長達3年。

Photo from 談情說案 TVB

Photo from 親子王國

事主聽後感晴天霹靂，佢指男方對佢好體貼，「佢每日都會同我傳短訊、我經痛佢會煲嘢我飲，我入醫院佢第一時間趕嚟。」而且，對方社交媒體上未曾出現過「另一半」照片，平時同自己出街拖手亦無避忌，所以自己從未懷疑過男方。

Photo from 談情說案 TVB

對於男方一直隱瞞事主，佢感到非常心痛，「我聽完只係好想喊，唔知點解一直都可以愛錯人」、「我搵唔搵到下一個我都唔知，只係我好痛心自己喺呢段以為有將來嘅感情，做咗人第三者」。

Photo from 談情說案 TVB

Photo from 親子王國 評論

Photo from 親子王國 評論

多數網民都直斥事主男友謊話連篇，勸佢要「止蝕離場」，否則事主將來會變成男方嘅「現任老婆」，受到背叛，另有人認為事主可能唔只係「第三者」，係永遠嘅後備。

Photo from 親子王國 評論

Photo from 親子王國 評論

Photo from 親子王國 評論

其他網民亦認為，事主要繼續痛苦咁等待對方係唔公平，將來亦唔擔保男方必定會同老婆離婚，到時事主會輸曬時間同青春。另有網民更懷疑男方假結婚。

Photo from 親子王國 評論

事主曾考慮向男方老婆坦白，畀老婆睇清楚其老公真面目，但同時害怕背負「二奶」罪名。聽取網民意見後，事主最後決定不接觸對方老婆，並與男方斬纜，因為佢相信男方有層樓牽絆住，都不能釐清同老婆關係，所以選擇退場。

Photo from 親子王國

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）