【無印良品】MUJI穿窿匙羹設計掀熱議！網友創意用法：整肉丸/分蛋黃！官方揭露真正用途！

無印良品推出唔少廚具、餐具等，近日喺「小紅書」有網友就發現MUJI一款中間穿窿嘅匙羹，並對其用法感到十分好奇，網友提出唔少創意用法，喺網上掀起熱烈討論。

Photo from HolidaySmart

內地APP「小紅書」有一位網友發文「我懵了啊.無印良品.勺子（匙羹）的作用是啥？在線等」，原來佢喺MUJI見到一個外型特別嘅匙羹。

Photo from 小紅書

呢款匙羹size都幾大下，不過喺前面裝嘢嘅部分就有一個硬幣大小嘅窿，無法好似普通匙羹咁裝到湯，太碎太細嘅食物亦都舀唔到。

Photo from MUJI

Photo from MUJI

唔少網友都喺留言討論呢隻匙羹嘅用法，有人指專係用嚟食餃子、餛飩，可以過濾咗啲湯；亦有人指係用嚟整肉丸，中間個窿就係擠丸用；有網友認為係用嚟分蛋，中間嘅窿可以令蛋白濾出面舀住蛋黃。

Photo from 小紅書

Photo from MUJI

又有網友稱係減肥用嘅，避免一次食到太多食物，更有人指係用嚟擠黑頭。答案都非常有創意。

Photo from 小紅書

Photo from MUJI

喺無印良品官網就揭開呢款穿窿匙羹嘅真正用途，原來喺香港都有得買，「不銹鋼沙律匙」，售價為港幣$50，用嚟撈沙律，多餘嘅醬汁會從孔洞中流出，官網指「設計適用於各種料理」。

Photo from MUJI

台灣嘅MUJI都有出售同款匙羹，不過就名為「分菜杓」，售價為新台幣$199，同樣「各種料理皆適用的標準款」，分菜時會濾走多餘汁水。

Photo from MUJI

睇嚟穿窿匙羹主要都係用作瀝走湯汁。有網友就指佢買嚟打邊爐用，因為平時嘅撈食物嘅網篩太難洗，呢種穿窿匙羹同樣做到瀝走火鍋湯底，而且喺清潔方面亦方便得多。

Photo from Pinterest

Photo from Pinterest

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）