女同事經常分享食物 港男日久生情 心痛各自有伴侶 網民：以為你無錢開飯咋！

男女之間有無純友誼向來都備受爭論，如果有人會錯意會令關係尷尬。最近，一名港男上網訴苦，指一女同事經常將自己食唔曬嘅嘢分享畀自己，令佢日久生情，惟兩人已有伴侶，無法相戀，令港男大感痛苦。

Photo from 愛回家之開心速遞

近日，一名男網民於香港討論區發文，指自己與一名女同事認識兩年，雙方都有穩定伴侶，二人經常一起用膳。

Photo from 愛回家之開心速遞

男事主透露，該女同事每日都會將食唔曬嘅早餐分享畀佢，由於次數頻繁，所以事主認為女同事有意咁做。

Photo from 愛回家之開心速遞

Photo from 香港討論區

除咗早餐，兩人亦經常一同買午餐，該女同事經常指飯盒分量多，所以又會將一部分分畀事主食，事主遂建議：「你既然打算畀啲我，你不如叫啲我喜歡食嘅餸」，女同事都答應。

Photo from 愛回家之開心速遞

Photo from 香港討論區

事主透露，佢唔肯定女同事對自己有無意思，「但我有啲喜歡佢（女同事）」，佢聲稱連同事都認為佢哋「有路」。但由於二人均有伴侶，所以佢深明大家係「無可能」，更坦言：「呢種感覺好辛苦！」

Photo from 與敵同行

Photo from 香港討論區

不少網民認為事主諗多咗，「咁小事就話人鍾意你，講白啲係自作多情」。亦有人直指，其實可能係女同事以為事主無錢開飯而已。或者，事主被女同事當成垃圾桶/食物焚化爐，遂勸喻事主清醒一點。

Photo from 香港討論區 評論

Photo from 香港討論區 評論

Photo from 香港討論區 評論

有其他網民，指好多女生都「細食」，所以喺唔想浪費食物嘅前提下，將食物分畀胃口大啲嘅男士都唔出奇，除非女方表白，否則都不用視為有特別意思。

Photo from 愛回家之開心速遞

Photo from 香港討論區 評論

Photo from 香港討論區 評論

不過，都有網民認真向事主警示，若果佢「勇往直前」追求女同事，最終只會害人害己。事主亦表示同意，「所以我唔會有任何行動」，只係上網吹下水咁話。

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）