Edan加入劍擊隊直播合唱 接力演《E先生》吳諾弘人有三急無緣同框

香港劍擊隊日前再開IG Live，吳諾弘今次邀請咗隊友張小倫及蔡俊彥加入，而蔡俊彥大學同房呂爵安（Edan）亦有收看，即獲劍擊隊邀請加入直播。可惜，吳諾弘人有三急而錯失與Edan同場機會！

Photo from 吳諾弘 IG

21歲吳諾弘童星出身，曾參與多部電視劇演出。佢於東京奧運表現亮眼，吸納唔少粉絲。早前，佢聯同隊友張家朗、張小倫及崔浩然開直播，引起熱議。

Photo from 吳諾弘 IG Live

日前，吳諾弘再度開IG直播，同場有張小倫及蔡俊彥，而蔡俊彥大學同房，MIRROR成員呂爵安（Edan）更即時收睇。於是，一班劍擊成員便邀請Edan加入直播。

Photo from 呂爵安 IG

Photo from 吳諾弘 IG Live

不過，喺Edan加入前，吳諾弘突然表示肚痛想佢廁所，尷尬地要求隊友接手。由於「時機太好」，佢被大師兄張小倫「命令」：「忍陣啦！」但吳諾弘最終忍不住，仍然去了廁所，錯失同Edan同框機會，場面搞笑。

Photo from 吳諾弘 IG Live

之後，蔡俊彥亦喺自己IG開直播，邀請咗Edan及張小倫加入，收看人數即由幾千急升至三萬。直播中，Edan透露正為《膠戰2》開工，當時偷偷地抽時間加入。

Photo from 蔡俊彥 IG Live

直播中，Edan不斷鼓勵蔡俊彥與他接力唱《E先生 連環不幸事件》，蔡俊彥掙扎一番後，終克服尷尬大開金口，而張小倫則「走數」無唱。除咗唱歌，Edan又大爆蔡俊彥以前住宿舍最鐘意打麻雀同玩啤牌，有時仲會在房中練劍。

Photo from 蔡俊彥 IG Live

Photo from 蔡俊彥 IG Live

早前，蔡俊彥喺奧運比賽後特別感謝Edan，多謝呢為大學好友喺鏡頭前面同自己講加油，又稱自己腦海全部都係Edan嘅歌，「咁我祝返佢嚟緊嘅票房大賣。」

Photo from 蔡俊彥 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）