download HolidaySmart 假期日常 app
老闆下令每日午飯後所有員工跳健美操！ 打工仔被迫就範 網民：集體盲腸炎就好笑！

老闆下令每日午飯後所有員工跳健美操！ 打工仔被迫就範 網民：集體盲腸炎就好笑！

生活熱話
By Stephanie on 26 Aug 2021
Digital Content Writer

相信有唔少人都養成咗做運動嘅好習慣，不過對於打工仔而言，放工後仲要去運動就未免有啲辛苦喇！最近，有位打工仔就表示老闆為咗員工們嘅健康著想，下令所有員工午飯之後，都要一齊做15分鐘嘅健美操！

公司規定每日必須跳健美操？！Photo from TVB

唔少打工仔過著朝九晚五嘅打工生活，難免會少咗空餘時間去做運動。近日，有位打工仔就話老闆為咗員工們嘅健康著想，決定每日都安排員工花15分鐘一齊做健美操，令呢位打工仔感到十分困惑！

打工仔表示老闆最近有新規定！Photo from 香港討論區

打工仔表示突然收到老闆嘅email，下令所有員工們星期五開始，午飯後都必須一齊做15分鐘嘅健美操，誓要達成「人人運動」嘅效果！Email裡面仲附上一條影片，老闆仲表明希望員工們可以提前喺屋企練習一下，等到時候可以跟上健美操嘅節奏～

老闆要求所有員工一齊做健美操？！Photo from ViuTV

除此之外，老闆亦喺Email話知道大家平常返工大部份時間都要坐喺度，所以就話以後開會嘅時候，大家都要一齊企喺度開，令佢感到不解！

仲規定以後開會都要企喺度！Photo from TVB

打工仔話其實自己就唔抗拒喺辦公室做健美操，但就認為員工們嘅衣著先係最大嘅問題！雖然老闆已經好好咁話「當日唔洗見客嘅同事，可以穿得輕便啲返工，方便大家活動」，但如果當日要見客：男同事就要著西裝；女同事就要著裙，咁究竟點樣做到健美操呢？！

好奇員工們穿著西裝如何做運動？Photo from TVB

女同事就需要著裙Photo from TVB

大部份網民都話呢位老闆咁注重員工嘅健康，仲願意付諸行動的確係一位唔錯嘅老闆～有網民分享自己嘅經歷，話佢哋嘅老闆因為好鍾意做瑜珈，所以經常都帶埋員工一齊做，「佢就好開心，我哋就攰到隻野咁」！

有網民分享類似經歷～Photo from 香港討論區

不過唔少網民都突破盲點，話食完飯就即刻做運動好容易誘發盲腸炎；如果長期咁樣做，仲有可能會搞到經常胃痛。然而，網民們都認為老闆出得email，打工仔們其實都根本冇權力可以反抗，只能夠乖乖跟住做健美操，亦有網民好奇究竟老闆會唔會以身作則同員工們一齊做運動呢？！

網民表示飯後立刻運動並非好選擇！Photo from 香港討論區

網民明白打工仔只能夠順從老闆命令！Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

熱心同事帶榴槤月餅返公司開心share　港女大呻痛苦：臭到我飆淚！

27 Aug , 2021

就嚟中秋節喇！相信大家都已經開始買月餅預備同家人朋友共享團圓～最近，有位港女就表示有同事就非常好心咁請大家食月餅，不過同事帶返嚟嘅竟然係榴槤月餅，令港女直呼好難受！

同事開心share月餅～Photo from TVB

中秋節就到喇，大家又可以一邊食月餅一邊賞月喇！相信大家都已經開始購買緊自己想食嘅月餅～近日，有港女就於討論區表示已經有熱心嘅同事帶月餅返公司請同事們一齊食，然而呢個行為卻反而變成港女嘅「痛苦」經歷？！

港女因為月餅而受苦？！Photo from 親子王國

港女話臨近中秋節同事因為想送禮，但就唔知購買嘅新月餅好唔好食，所有就帶咗月餅返公司，希望部門裡面嘅其他同事幫手做「白老鼠」試下味。點知同事一打開先發現佢帶返嚟嘅係榴槤口味嘅月餅！

同事熱心攞月餅返公司分享！Photo from TVB

由於榴槤嘅味道比較重，所以未必個個都可以接受得到，而呢位港女就係其中一位接受唔到嘅人！佢話同事打開月餅盒嗰一刻，佢就已經聞到「臭味」，仲形容「臭到我飆淚」！最慘嘅就係成個部門只有佢同身邊2位同事唔食，其他個個都食緊榴槤月餅，簡直就係被濃濃嘅榴槤味道籠罩住咁～

大部份嘅同事都好享受榴槤月餅～Photo from TVB

港女頂唔順榴槤嘅味道！Photo from TVB

再加上，攞月餅返嚟嘅同事算係公司元老級嘅員工，而港女同另外2位同事都係新人，所以即使覺得味道好難聞都唔敢講出口！而且少數服從多數，大部份嘅同事都好享受榴槤月餅，就連公司嘅Team head 都食得津津有味，仲忍唔住問「啲月餅喺邊度買㗎？」面對呢個局面，港女就話佢真係欲哭無淚啊！

就連Team head都好鍾意食！Photo from TVB

唔少網民睇完個post之後，都認為對於「頂唔順」榴槤味道嘅人而言，喺佢哋身邊食榴槤月餅簡直係一種「折磨」！有部份網民就話喺公司食呢種味道咁重嘅食物，並唔係咁適當，會影響到成個辦公室。

網民覺得喺辦公室食榴蓮味嘅食物 並唔適當！Photo from 親子王國

網民表示如果係佢 可能會投訴！Photo from 親子王國

但亦有網民就話唔理解港女，認為榴槤真係好好食，係港女唔「識食」！其他榴槤愛好者就表示好羨慕港女嘅員工可以返工食榴槤，仲大呻「我公司連食榴槤糖都唔俾啊」！

有愛榴蓮嘅網民留言力撐！Photo from 親子王國

網民

網民大呻公司唔俾食榴槤！Photo from 親子王國

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話職場網民熱話打工仔香港討論區上司