肥媽將放棄葡萄牙國籍仿效謝霆鋒做法！網民：佢好似連中文名都冇？

By Stephanie on 07 Sep 2021

Digital Content Writer

繼早前吳亦凡、鄭爽等陷入唔同嘅醜聞之後，內地正在實行唔同嘅措施去整頓娛樂圈。最近，內地就疑似發出「限籍令」，將限制擁有外國國籍嘅藝人於內地賺錢，而謝霆鋒早前就對外表示自己已經申請緊退加拿大國籍。估唔到而家連肥媽都話要跟隨佢嘅做法，放棄葡萄牙國籍，引起網民熱議！

Photo from 肥媽IG

#內地將推出「限籍令」？！

內地娛樂圈最近鬧得滿城風雨，自吳亦凡嘅事件爆出後，陸陸續續都有好多傳聞爆出。因此內地就打算整頓娛樂圈嘅風氣，並積極打擊「劣跡藝人」。最近，內地就流傳將會實行「限籍令」，限制擁有外國國籍嘅藝人於內地搵真銀！

Photo from 微博

#謝霆鋒率先表示已經退籍

早前，擁有加拿大國籍嘅謝霆鋒喺訪問時，就表示自己已經申請緊退去加拿大籍，仲話一直都認為自己有責任將祖國嘅好東西宣揚去全世界，並指10幾年前寫《黃種人》呢首歌嘅時候就已經有呢個諗法！

Photo from 微博

#肥媽表示將仿效謝霆鋒？！

估唔到話咁快就有藝人表示將會跟隨謝霆鋒嘅做法！肥媽係一位擁有葡萄牙國籍嘅香港藝人，不過近年經常都會返內地工作。最近，佢喺接受傳媒訪問時表示有聽聞過「限籍令」，但就認為對外籍藝人影響唔大，認為「去內地工作就應該要取大陸國籍，冇咩問題啊！」

Photo from 肥媽IG

#大讚內地福利好！

肥媽仲話自己都會放棄葡萄牙嘅國籍，相信唔少藝人都將會「跟風」！佢認為既然要喺內地賺錢就應該用行動表示，仲大讚內地嘅福利好「中國籍有保障，有保險、有勞保、有福利」，似乎已經為退籍做好準備！

Photo from 肥媽IG

#杜汶澤幽默抽水！

肥媽嘅呢番言論曝光後，引起網民嘅熱烈討論！杜汶澤亦忍唔住立刻喺FB po文表示十分好奇，作為混血兒嘅肥媽應該如何退籍：「請問現今醫學有沒有辦法把她體內一半的葡萄牙血統也退掉呢？」有網民就喺下面留言認為佢可能只係空口說白話，鼓勵佢盡快以行動表示！

Photo from 杜汶澤FB

Photo from 連登討論區

#好多外國籍藝人活躍於內地娛樂圈

其實現時港台兩地都依然有唔少外國籍藝人，而佢哋嘅事業重心都喺內地，包括有：李治廷（加拿大籍）、陳冠希（加拿大籍）、張栢芝（澳大利亞籍）等，唔知嚟緊又會唔會真係如肥媽所講將會掀起一陣「藝人退籍」熱潮呢？！

Photo from 李治廷IG

Photo from 張柏芝微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

謝霆鋒揭已申退加拿大國籍謝賢開腔回應內地網民：他有BNO，隨時能跑

6 Sep , 2021

自吳亦凡、趙薇捲入醜聞風波後，內地發起一股整肅娛樂圈嘅風氣。網上流傳一份「限籍令」名單，限制擁外國國籍嘅藝人喺中國賺大錢，而加拿大籍謝霆鋒亦榜上有名。唔知係咪想避嫌，謝霆鋒近日受央視訪問時就大爆已申退加拿大國籍！消息引嚟網民熱議。

Photo from 鋒味 FB

微博流傳「限籍令」名單

內地官方為咗要藝人正視品德問題，現正大力打擊「劣跡藝人」，自吳亦凡、趙薇疑被封禁後，內地影視圈嘅台前幕後都人心惶惶。網上更流傳一份7人名單，指係官方下令將會限制嘅外國國籍明星，名單包括：美國國籍劉亦菲、美國國籍潘瑋柏、美國國籍王力宏、新加坡籍李連杰、英國國籍張鐵林、加拿大籍趙又廷，而加拿大國籍嘅謝霆鋒亦在名單上。