A0港女對上司3大行為感到心動！揭上司關懷真相大崩潰！網友：你都幾自作多情
Photo from TVB
女網友喺Dcard發文，佢表示自己係A0，半年前開始返全職工作，上司比佢大5年。樓主分享指上司呢幾個月做咗好多令佢呢個A0覺得有啲心動嘅嘢。
Photo from Dcard
#上司出手護花
有一次樓主同上司喺停車場，有一架車向前駛，樓主同上司兩人立即避開，點估架車突然又後退，上司即刻伸手喺樓主面前護住佢，樓主表示可能佢係作為上司為免下屬發生咩事先咁做：「但作為A0嘅我，心入面啲小鹿已經開始亂撞。」
Photo from TVB
#心痛下屬淋雨
之後有一次落雨樓主無帶遮，返到公司成個人濕晒，上司見狀竟小心翼翼咁掂樓主條褲小腿嘅位置，又對樓主講：「下次等無咁大雨先番公司嘛」
Photo from TVB
後尾樓主聽同事講返上司有同佢哋傾偈，指見到樓主嗰日成身淋濕哂心都痛埋，令樓主再次心動！
Photo from 愛的迫降
#主動促成親密(skinship)接觸
再有一次上司患上感冒，病住返工，樓主同佢一齊食飯，餐廳量體溫時上司差少少就發燒，之後兩人返到公司，上司主動dup低頭叫樓主摸下額頭睇係咪真係發燒。
Photo from TVB
樓主表示除咗以上3件事，上司仲做咗其他令佢誤會嘅嘢，樓主有疑惑係咪因為自己係A0先會咁易為呢啲事而動情，亦有諗過上司可能早就有女朋友。
Photo from TVB
#A0港女心動後疑上司有女友
一直十分糾結嘅樓主有諗過係咪自己「諗多咗」，樓主有次見到上司同人message打咗個心，樓主說服自己可能係同屋企人講。過幾日樓主見到上司手機訊息，有人send心心emoji畀佢，令樓主開始懷疑上司。
Photo from 奶酪陷阱
樓主係咁搵蛛絲馬跡，佢指上司枱頭無同女友嘅相、手機mon亦唔係同女友嘅合照、IG無post過同女友有關嘅嘢，再加上公司同佢做咗5年嘢嘅同事都覺得樓主上司無女友，令樓主估計上司應該係單身。
Photo from TVB
#力斥上司係player
文章最後樓主稱有90%sure上司其實有女朋友，樓主大為憤怒斥上司根本係player：「有女友仲比埋啲錯覺比我呢個A0」，又指上司應承過做嘅嘢最後都無做，又忽冷忽熱「玩欲擒故縱」。
Photo from TVB
樓主指唔中意介入人哋感情，亦唔中意對方有另一半仲做啲容易令人誤會嘅嘢：「我都唔會對佢之後既行為抱咩幻想」
Photo from TVB
#網友笑A0港女「自作多情」
樓主無提到佢點發現上司係player，有網民就表示msg打心心好普遍，好多同事都會咁做：「我老細、幾個女同事、大媽級都有send過俾我，唔代表d乜」，更有網友直言：「講真樓主你都幾自作多情」
Photo from Dcard
Photo from Dcard
亦有網民稱：「player同人講自己有女朋友，咁佢點周圍開餐啫」，呼籲男生、女生談戀愛前要了解清楚對方為人先。
Photo from Dcard
Photo from Dcard
相關文章：
相關文章：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港女拍拖3年嫌男友變80kg大肚腩！唔剃鬚不修邊幅令女友大崩潰：好似同阿叔一齊緊
13 Aug 2021
戀愛嘅時間越長難免無一開始確定關係咁甜蜜，近日有網友喺討論區開post指同男友拍拖3年，對方同啱啱認識時嘅外型差距好大，指男友不修邊幅，唔剃鬚又有大肚腩：「求下你，可唔可以唔好咁」
Photo from TVB
唔少人拍咗一段時間拖就會覺得同伴侶嘅感情變淡，或者發現咗佢一啲缺點而變得無咁愛對方。最近有網友喺Dcard發文指同男朋友戀愛3年，呢3年嚟一直都過得好愉快，但係最近佢就發現男朋友有一個好嚴重嘅問題。
Photo from TVB
樓主表示男朋友近年越嚟越污糟、不修邊幅。佢回憶起當初啱啱讀大學嗰時認識嘅男友會做gym又gel頭，日日都做運動：「有六舊腹肌fit到痴線。」
Photo from TVB
但識咗3年後，男友嘅腹肌已經無晒，而且唔出hall就連鬚都唔剃：「依家已經冇見過佢gel頭。」
Photo from TVB
樓主又呻男友懶得打理自己：「早排佢唔知邊度聽返嚟話，電孿左啲頭髮可以唔使點打理」，於是拎住張MIRROR成員阿Jer（柳應廷）嘅相去剪頭髮，但點知電髮效果與預期不符。
Photo from TVB
樓主指男友依家80kg、有勁大個肚腩，頭髮亂又成面都係鬚，更直接指佢似男優！樓主崩潰稱覺得好似同個阿叔一齊緊：「其實我真係好鍾意佢，男朋友你幾時先變返個靚仔大隻佬俾我。」
Photo from TVB
Photo from Dcard
有唔少網友就指樓主要畀啲危機感男友，例如打扮得靚啲、令佢覺得有男仔埋身等。又或者直接同男朋友講，亦有網友建議樓主去借啲意話想做gym，順便拉埋男友。
Photo from Dcard
Photo from Dcard
Photo from TVB
但有唔少男性網友大感不公，認為如果係性別互換，男士就會被鬧，有網民力斥樓主膚淺，只係中意男友嘅腹肌。
Photo from Dcard
Photo from Dcard
Photo from Dcard
Photo from TVB
有網友就坦言呢個係男人必經階段，身材、外型呢啲遲早都會無，想同男友過一世嘅話應該要搵下佢其他優點。
Photo from Dcard
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
