【TapNow獨家優惠】逸蘭銅鑼灣酒店「有廚房嘅Staycation」唔駛叫外賣~ 情侶體驗同居必選！

酒店住宿【JetsoWong著數王】

By Cheryl on 10 Sep 2021

Digital Editor

香港逸蘭銅鑼灣酒店聯同TapNow推出全新住宿優惠，人均$500唔洗就可體驗「自煮」假期，入住擁有全配廚房嘅高級客房，買完食材享用酒店專設嘅配送收貨服務，之後同閨蜜/伴侶到房就可立即享受煮飯仔樂趣，套餐更包免費早餐！以下即睇優惠詳情~

Photo from TapNow

「自煮宅度假」

去Staycation除咗住同食，仲可以同摯愛享受烹飪樂趣~ 香港逸蘭銅鑼灣酒店同TapNow推出「自煮宅度假」住宿優惠，低至$999起，即人均$500唔洗就可入住雙人高級客房，同時獲免費美式早餐2份（價值$462）。

Photo from TapNow

有廚房嘅Staycation

今次嘅客房好特別，佢哋都備有廚房、同各種高級煮食器具及餐具，包括：煲和湯勺、廚刀、砧板、帶蓋平底煎鑊和鑊鏟等應有盡有，讓住客任煮之餘唔洗自己洗碗！

Photo from TapNow

專設「食材配送收貨服務」

住客買完心水食材後，只需提前通知酒店關於食材嘅資料，將位於銅鑼灣嘅酒店地址交予食材店安排配送，咁酒店就會喺你入住前將食品雜貨小心放置到房間內，並確保食材保持新鮮，存放於房間嘅廚房內，等住客一到埗就可立即「開煮」，非常方便！更多有關「食材配送收貨服務」嘅注意事項可到此詳閱。

Photo from TapNow

娛樂設施夠全面

方案提供嘅娛樂好全面，住客除了可用盡各種廚具煮食外，仲可享用24小時開放的健身室、行政酒廊、酒吧、及圖書館，滿足各方面需要！

Photo from TapNow

FRITES指定菜單9折優惠

方案仲提供比利時酒吧餐廳FRITES指定菜單嘅9折獨家優惠，餐廳主打歐陸傳統菜式及比利時啤酒，喺香港有8間分店。離酒店最近嘅分店位於希雲街，佢靠近時代廣場，地理位置極佳。

Photo from TapNow

3款方案選擇

套餐提供3款方案，並包括3種房型（雙人高級客房、雙人雅致客房、雙人豪華客房），全部都空間闊落、採光度一流，白色為主嘅裝潢清新舒適。全部房型都配備小型廚房、高級煮食器具及餐具、微波爐、雪櫃；亦有IPTV寬頻電視、DVD播放機讓客人Chill住睇戲；房間同時有澳洲Appelles高級沐浴護理用品，及專用保險箱。客人可從中挑選最適合自己嘅房型。