內地男星吳磊電影預告引發熱議 心口兩點被消失？！網民：畫面好詭異！
內地最近正忙於整頓娛樂圈嘅風氣，搞到滿城風雨。最近，有網民發現內地男星吳磊喺電影《我和我的父輩》中大晒上半身肌肉嘅片段有啲奇怪，認真啲睇先發現心口嘅「兩點」居然被消失，令唔少網民直呼「畫面好詭異」，引起網民熱議！
Photo from 吳磊微博
#內地積極整頓娛樂圈風氣！
內地自吳亦凡、鄭爽等人爆出醜聞後，就表示將會打擊「劣跡藝人」，希望將成個娛樂圈嘅風氣重新整理！喺節目方面，內地官方就話暫時將「不允許開拍偶像育成節目」，而且藝人於節目表演嘅時候亦必須「檢點」，規定上寫住：唔可以做精靈嘅表情、唔可以咬唇及單眼等。
Photo from 《披荊斬棘的哥哥》
Photo from 微博
#限制範圍逐漸擴大？！
而內地限制嘅範圍好似已經蔓延到電影喇！最近，內地男星吳磊就正在為佢主演嘅電影《我和我的父輩》做宣傳，並釋出預告片段。不過眼尖嘅網民好快就發現畫面有啲奇怪！
Photo from 《我和我的父輩》
Photo from 《我和我的父輩》
#內地網民發現畫面奇怪！
喺預告片中，吳磊就有大晒上半身肌肉騎馬嘅片段，而眼力超好嘅網民就發現佢心口嘅「兩點」居然經過後期製作P咗圖，完全唔見咗，導致成個畫面都變得十分詭異！
Photo from 《我和我的父輩》
Photo from 《我和我的父輩》
#網民表示唔明白後製嘅用意！
呢個奇怪嘅畫面隨即引起內地網民嘅熱烈討論，唔少內地嘅網民都表示唔明白用意，認為簡直係多此一舉「畫面變得更奇怪了！」、「好可怕」等；有網民就講笑咁話電影真係「男女平等」，仲話已經唔想睇呢套電影！
Photo from 微博
Photo from 微博
#吳磊依然獲粉絲力讚！
不過亦有吳磊嘅粉絲們就錯重點，認為畫面雖然好詭異，但佢就依然好有型！吳磊現年21歲，因為拍攝電視劇《琅琊榜》而人氣飆升，成為唔少內地女生心目中嘅「男神」！
Photo from 微博
Photo from 吳磊微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地京東再發佈禁售遊戲公告！ 87款遊戲受限 動森/Fifa都喺名單內
3 Sep , 2021
內地政府為整頓「未成年少年用戶」打機嘅問題，並公佈咗一連串嘅措施，包括早前所提及嘅「遊戲宵禁令」等。近日，內地京東又再發佈「禁售遊戲公告」，公開咗87款唔可以售賣嘅遊戲名單，其中包括《超級馬里奧》（Super Mario）以及 Fifa系列！
Photo from TVB
#內地致力解決未成年少年打機問題！
近來，內地政府正在積極解決「未成年少年用戶」打機嘅問題，其中內地報導《經濟參考報》就表示內地有62.5%嘅人經常都會用電腦玩遊戲，當中有13.2%都係未成年少年手遊用戶，而報導就指問題變得好嚴重，唔少青少年因為遊戲導致荒廢學業，已經深深咁影響未成年少年嘅身心健康！
Photo from TVB
#針對未成年玩家推行「遊戲宵禁令」
早前，內地政府就率先公佈針對未成年少年嘅「遊戲宵禁令」，聲稱將會嚴厲管制未成年少年遊戲中嘅在線時間：所有遊戲企業都只能夠喺星期五、六、日以及法定假期嘅晚上8點至9點為未成年少年提供遊戲服務，其餘時間則唔允許佢哋玩遊戲！
Photo from 微博
#再推禁售遊戲公告
最近，內地京東就發佈咗《禁售遊戲公告》，表明為咗維護健康嘅網絡環境同風氣，以後未經審批嘅遊戲將唔可以喺京東商城發售，仲列出咗10項會被禁止嘅遊戲內容。
Photo from 微博
Photo from TVB
同一時間，京東就列出咗87款禁售遊戲，名單中有唔少都係非常出名同有人氣嘅遊戲，分別有《集合啦！動物森友會》、《人中之龍》系列、《超級馬里奧製造2》等！
Photo from 微博
Photo from Pinterest
#網民表示不理解！
消息一出就受到內地網民們嘅熱烈關注，唔少網民都表示唔明白部份遊戲點解會被列入禁售名單內，「遊戲怎麼了？」、「遊戲有什麼錯啊」等，相信今次嘅禁售令又會為內地一班鍾意打遊戲機嘅網民大受牽連喇！
Photo from 微博
Photo from 微博
#亦有網民表示唔擔心
當中有網民就表示唔明點解Fifa呢個足球遊戲系列都被列入名單中，有網民隨即幽默咁回應「是因為遊戲裡面嘅中國隊隊員數值太弱嗎？」；但亦有網民就好「大膽」咁話相信總會有辦法玩到呢啲遊戲，唔太擔心之後對於遊戲嘅規則越來越嚴格！
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
