黃日華新舊豪宅大公開！35年前舊宅有酒吧 婚後住3層高純白靚屋擁巨廳

60歲黃日華於80年代從無綫藝員訓練班畢業後出道，演活了不少大角嘅佢當時紅遍兩岸三地，更係無綫五虎將之一。近日，TVB重新上載1986年《K-100》探訪其屋企片段，當時佢入行6年已住靚大屋，而佢喺2019年於內地節目曝光嘅新屋更有三層高！

Photo from 黃日華 微博

黃日華80年代已買靚屋

近日，TVB在YouTube上載了1986年節目《K-100》到黃日華住宅訪問影片，當時黃日華僅僅出道了6年，已在公司附近置業以方便出入。佢表示，由於日常拍攝面對太多「刺眼」嘅佈景、燈光、戲服，所以佢特意選擇柔和嘅米灰色作為單位主色調。

Photo from TVB

環境開揚，更有酒吧招呼朋友

片段可見，黃日華舊址客廳佈置頗為時尚，牆上掛有八角形鏡，茶几和窗台放置了數棵植物，而打開窗亦可欣賞開揚景色，就如黃日黃所講，「（景色）無高樓大廈阻擋，有山有樹木，比較悅目。」

Photo from TVB

Photo from TVB

黃日華舊址內更設有酒吧招呼朋友，而酒吧檯下更設有多盞燈營造氣氛，認真別緻。

Photo from TVB

Photo from TVB

擁大浴缸、高櫃放滿回憶物品

黃日華表示，屋內嘅浴室達到佢小時候希望有一個大浴室嘅願望，片段可見，以粉藍色及米色為主嘅浴室內有一個大浴缸，讓屋主黃日華完成繁忙工作後可以泡熱水澡放鬆一番，佢仲話會舒服到喺浴缸內瞓著！

Photo from TVB

Photo from TVB

屋內另一個讓黃日華非常滿意嘅家俱就係放置獎章與紀念品嘅高櫃，入面放有好多黃日華讀書時期奪得嘅運動獎章、影迷送嘅禮物及個人海報等等，係個充滿回憶嘅展櫃！

Photo from TVB

Photo from TVB

新屋再「升呢」，3層高乾淨企理

黃日華於80年代首次置業嘅屋企雖然別緻舒適，但對於現在有家室嘅佢嚟講，空間就唔夠大喇。所以，黃日華於2019年同女兒黃芷晴一同亮相內地真人騷《女兒們的男朋友》時就公開了新家。佢哋一家人嘅大宅高三層，以白色為主色，感覺乾淨又闊落，大客廳設在二樓，可見佈置企理，擺了兩張沙發、茶几、高櫃後仍有充裕活動空間。

Photo from 《女兒們的男朋友》

Photo from 《女兒們的男朋友》

Photo from IG 圖片

露台食飯好浪漫，LEGO放滿成幅牆

廚房則設於三樓，設備齊全、空間又大。煮完飯亦可以像黃芷晴與男友陳一天般在露台一同吃飯，佈置與環境都令人相當舒服。

Photo from 《女兒們的男朋友》

Photo from 《女兒們的男朋友》

鐘意將戰利品擺放展櫃嘅黃日華在節目裡面公開佔了整面牆嘅玻璃櫃，入面都放滿了各式各樣嘅LEGO玩具。

Photo from 《女兒們的男朋友》

而黃家屋企同時掛滿黃日華與太太梁潔華嘅合照，雖然梁潔華在去年5月不幸病逝，但夫婦間嘅深厚感情並無減退。

Photo from 黃日華 IG

相關文章：呂良偉中式豪宅曝光！豪華佈置常搞多人飯局 婚後靠老婆翻身？！

相關文章：何超儀3層高豪宅曝光！超大戶外花園 開派對猶如藝術品牌發佈會

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）