網民慨嘆身邊「結婚變分手」例子多！交往多年 表妹因男友一個行為毅然離開！

正所謂「相見好同住難」，愛情路上隱藏重重嘅難關！最近，有位網友就好感概咁表示表妹同男友準備結婚，不過就因為未能達成共識而分手收場，令佢覺得非常可惜，慨嘆現實生活中「係咪好多人傾結婚最終變分手」？！

Photo from TVB

# 分享身邊親友結婚變分手經歷！

能夠同另一半結婚過著幸福嘅生活係唔少人嘅夢想，不過預備結婚嘅過程對於唔少情侶而言係一個好大嘅考驗！日前，有位網友就因為身邊嘅朋友同親人而有感而發，以「有幾多人因為傾結婚傾到分手，婚都結唔成？ 」為題目開post。

Photo from 香港討論區

# 因為未能決定居住邊區而吵架？！

呢位網友就表示身邊嘅朋友曾經因為買樓嘅問題而導致結唔成婚，最近佢嘅表妹亦「舊事重演」！佢表示表妹同男友居住嘅地區有啲遙遠：一個住新界、一個住港島，而男方嘅媽媽就要求佢哋結婚後必須住喺新界，方便男生返屋企。

Photo from TVB

# 男友不願意商量！

然而，表妹就唔願意，認為應該互相遷就選擇一個「中間位」九龍區，方便兩人返屋企探父母。男友並冇直接表態，但就不停咁強調「我啊媽一定唔會讓步！」、「你遷就下佢啦！」等話語，令表妹感到十分傷心！

Photo from TVB

# 表妹忍痛分手！

表妹認為男友根本就冇嘗試喺自己嘅立場度諗，就連嘗試爭取下都冇試過，令表妹不禁聯想到結婚後「遇到類似問題，佢都唔會幫我」。最終，兩人就因為未能選擇居住嘅地區而結唔成婚！網友替表妹感到可惜，畢竟兩人都已經拍拖多年，但最後都不敵現實而分開。

Photo from TVB

# 大部分網民力撐表妹！

呢個post隨即引起網民熱議，唔少網民都表示身邊嘅朋友都曾經有相似經歷。大部分網民都認為表妹決定分手係啱嘅，覺得呢位未來奶奶實在太橫蠻無理，而男友就係「裙腳仔」，連同另一半嘅未來都要媽媽幫手決定。而且表妹其實都已經讓咗步，但男友似乎冇嘗試為對方諗下，長此落去表妹都唔會有幸福嘅婚後生活！

Photo from 香港討論區

Photo from TVB

# 有網民反而怪責表妹「港女」性格？！

但有網民就反而覺得係表妹性格「港女」，連未來奶奶嘅說話都唔願意順從，將來一定唔會係一位好新抱？！另外，有網民就話覺得表妹「搬去九龍區」嘅決定，並唔算係讓步，不過兩人竟然因此而分手，相信佢哋並非真係深愛對方！

Photo from 香港討論區

Photo from TVB

相關文章：丈夫偷偷挪用聯名戶口資金  為資助細佬結婚?人妻嬲爆：係我哋筆首期!

相關文章：女生與交往5年男友共建愛巢 男友突然態度180度大轉 被揭發將與他人結婚？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港媽結婚10年仍被奶奶無視 失落大呻：「全家食飯淨係唔裝飯畀自己！」

21 Oct , 2021

婆媳關係一向難搞，最近，一名港媽於討論區發文，指自己雖已結婚十年，但自己和孩子一直被奶奶無視，就連食飯時都會不被尊重，令佢大感無奈，續向網民詢問意見。

Photo from BB來了

港媽已婚十年仍不被奶奶尊重

近日，一名港媽到網上討論區「親子王國」發文，表示自己已婚十年，但每次同奶奶食飯，奶奶都會刻意為全家裝飯，唯獨唔裝畀港媽以及佢嘅小朋友；而飲茶洗碗筷同樣只遺漏港媽與孩子。

Photo from 那些我愛過的人

港媽同時補充，佢自知作為後輩應該洗碗裝飯，但因為佢同丈夫有時會較遲到達酒樓，所以佢哋去到時餐具已被洗。

Photo from 親子王國 評論

面對咁嘅情況，港媽表示「個心有啲唔舒服」，又問網友，假如係自己獲如此待遇，會唔會仲笑笑口交談。

Photo from BB來了

港媽獨自帶細路見奶奶，仍被奶奶指摘唔幫手調解關係

港媽續指，佢丈夫最近同奶奶反咗面，但自己仍有帶小朋友跟長輩見面。見面時，奶奶卻會提及與兒子鬧交嘅事，並指摘港媽唔識幫丈夫同佢哋和好，令港媽大感不快，萌生「新抱好似做咩都錯」嘅想法。

Photo from BB來了

大多網民支持港媽盡量避免與奶奶見面

對此，不少網民都認為奶奶擺到明當港媽透明，既然奶奶有心對港媽咁差，雙方應該減少見面，「冇受過佢恩惠既仲洗俾面佢？！」、「唔理佢有心定無意，令你心中不舒服已經可以避免去見。」同時又指，港媽丈夫都同奶奶反咗面，咁就更加唔洗見。

Photo from 親子王國 評論

Photo from 親子王國 評論

Photo from 親子王國 評論

但另有網民懷疑事出必有因，問道：「你平時去佢屋企有無主動幫下手執碗筷咁？佢會唔會暗示緊你唔係客人，要食就一齊幫手開飯。」亦有人建議港媽下次搵機會早到，幫全部人洗曬餐具，令奶奶無機會杯葛佢。

Photo from 親子王國 評論

Photo from 親子王國 評論

有網民就主張自愛，表示如果自己面對此情況，即使丈夫無同奶奶反面，自己都唔會再見奶奶，「做人要愛自己，點解要委曲求全」、「要記住新抱永遠只係外人」。

Photo from 親子王國 評論

相關文章：媽媽嫌女友外型唔襯兒子 港男大呻：「樣嘅問題唔知點解決！」

相關文章：奶奶當仔女人肉提款機惹公憤　曾欠債百萬直言母親節拒食飯只要錢！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）