梁競徽聯同林峯老婆投資開名車店！張馨月手持Hermès名牌袋卻被嘲：行頭唔夠勁!
現時唔少藝人都開始發展副業，希望拓展自己嘅生意版圖，從而賺取更多嘅錢。最近，梁競徽就同林峯老婆張馨月一齊與內地投資名車店，唔少藝人朋友都送上花籃祝賀！而張馨月手持Hermès手袋出席卻竟然被網民笑？！
Photo from 張馨月微博
# 梁競徽於香港發展平平
大家都成日話「演藝圈好難成為終生事業」，唔少藝人都會發展副業，希望可以令自己嘅經濟狀況更加穩定，其中梁競徽（以前：梁烈唯）就一定係其中一個例子喇！佢於2003年入行成為TVB旗下藝人，大多飾演配角，於2012年獲得「飛躍進步男藝人」獎項，演技實力開始受到關注！
Photo from 梁競徽微博
# 北上發展後立刻一帆風順？！
其後，梁競徽就轉移事業重心到內地，仲成為內地電影《浴血狂蟒》嘅飾演愛國人士，戲份好多，係電影中嘅男主角；喺內地登台表演嘅時候，仲獲得大批內地粉絲歡呼，非常威水！除咗演藝事業外，佢都開始拓展自己嘅事業，成為鐘錶店老闆，新店開張當日仲戴住60萬嘅勞力士手錶！
Photo from 梁競徽微博
Photo from 梁競徽微博
# 梁競徽+張馨月投資開名車店！
最近，梁競徽就宣佈同林峯老婆張馨月一齊投資名車店，喺開幕禮當日郭政鴻、李璨琛、關楚耀等人都有到場祝賀佢哋，不過就未知佢哋係咪名車店嘅投資者之一。雖然林峯當日並冇出現，不過就送上花籃表示祝福，而黃宗澤、吳卓羲等人都「人唔到禮到」，人脈非常廣！
Photo from 張馨月微博
Photo from 張馨月微博
# 有意進軍飲食業
愛國嘅梁競徽早前接受訪問時，表示希望可以進軍飲食業嘅餐廳，正在籌備中，最快下年3月就可以開張，睇嚟佢的確喺內地賺咗唔少錢咁～
Photo from 梁競徽微博
# 張馨月Hermès手袋被網民笑？！
另一方面，張馨月於名車開幕禮當日就身穿黑色連身裙，並手持住價值大約3萬嘅Hermès手袋現身！不過有內地網民就認為佢當日嘅行頭唔夠勁：「叫你老公整個好點的包行不？」等留言。原來當日佢所攞嘅手袋正正係林峯今年七夕送俾佢嘅禮物，背後嘅意義咁重大，又難怪佢會攞住呢個手袋現身嘅～
Photo from 張馨月微博
Photo from 張馨月IG
# 過往經常於網上分享手袋！
其實張馨月經常都會喺小紅書享自己購買嘅手袋，而佢所購買嘅手袋大多都係名牌，仲揚言「看到特別喜歡的商品，哪怕目前用不了，先買再說！」。然而，有網民就質疑佢經常喺網上炫富，仲直指佢係靠林峯「你不工作，沒有收入。買包的錢都是老公給嗎？」，張馨月亦坦承的確係用老公嘅錢購買包包！
Photo from 張馨月IG
Photo from 張馨月小紅書
# 直認用老公林峯錢買名牌！
相反，有網民支持張馨月，認為佢用自己老公嘅錢並唔係啲咩大問題，加上佢所購買嘅名牌包中亦有比較「平民化」嘅價錢，覺得佢並非為名牌而買！
Photo from 張馨月IG
Photo from 張馨月IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
梁競徽晉身名價鐘錶店老闆！戴逾60萬勞力士現身！豪氣稱下一步進軍飲食業
15 Sep , 2021
42歲梁競徽（原名：梁烈唯）出道21年，自停用IG後佢就只喺微博發文，早前佢喺微博大晒李寧衫褲鞋襪。近年北上發展嘅梁競徽主演過內地電影，佢最近更升呢成鐘錶店老闆，新店開張當日戴60萬名錶風騷接受訪問。
Photo from 梁競徽微博
#梁競徽與老婆育有一女，近年北上拍電影做男主角
梁競徽入行多年，演過唔少TVB劇集，2014年與拍拖11年女友兼中學師妹駱保雯結婚，同老婆育有一女一子。
Photo from 梁競徽微博
喺TVB打滾多年都係做配角，近年佢北上掘金，接拍咗電影《浴血狂蟒》擔正做男主角，佢喺入面飾演愛國人士，作為男主角佢嘅戲份好多，喺微博post咗唔少劇照宣傳。
Photo from 《浴血狂蟒》
#撐國貨李寧、華為，有意安排女兒返內地讀書
心繫國家嘅梁競徽唔止喺電影入面愛國，現實中都身體力行撐國貨，先係大晒全身李寧牌，大讚李寧質料好，佢發微博更係用華為手機，平時又會喺紀念日致敬中國。
Photo from 梁競徽微博
Photo from 梁競徽微博
愛國嘅梁競徽更表示考慮將女兒送去內地讀書，不過計劃似乎仍未實行。但佢喺內地發展應該唔錯，更升呢做老闆！
Photo from 梁競徽微博
#升呢成名貴鐘錶店老闆
梁競徽與人合資喺尖沙咀開咗名貴鐘錶店，佢指自己喺呢行做咗20年咁耐，想開展新事業，又因為自己中意所以決定開鐘錶店。
Photo from TVB
Photo from 梁競徽微博
有好多圈中人出席新店開張活動，包括吳卓羲、胡定欣、陳山聰、陳自瑤、陳敏之、高海寧、江嘉敏、謝東旻等，可見梁競徽圈中人緣唔錯。
Photo from TVB
#梁競徽戴60萬勞力士，下一步做餐廳老闆
店內售賣嘅名錶全部都價值不菲，而梁競徽就謙虛表示自己只係小股東，佢感激合伙人畀機會佢學嘢。雖然梁競徽指自己佔股份比例好少，但新店開張當日佢戴咗ROLEX COSMOGRAPH DAYTONA 18ct黃金款。
Photo from TVB
呢款名錶喺勞力士官網售價係HKD$28.6萬，但炒價早已高達$60萬以上，梁競徽盡顯老闆行頭！佢又指開鐘錶店只係第一步，佢同股東有意進軍飲食業，嚟緊會開餐廳，最快出年3月就開張，睇嚟佢北上真係賺唔少！
Photo from Rolex
Photo from 梁競徽微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
