小朋友自己揸車仔！TOMICA大型迪士尼公主水晶車登陸東港城～8大聖誕打卡點＋將軍澳期間限定店＋必買香港首度開賣及當日限量車款

聖誕少不免周圍去睇佈置裝飾同打卡，邊個話聖誕裝飾就一定只有聖誕樹同飄雪㗎？將軍澳東港城今個聖誕就化身成為「TOMICA DISNEY MOTORS 聖誕夢樂園」，中庭搖身一變成為夢幻公主堡壘，場內亦有8大超矚目打卡位，當中包括多架巨大化嘅TOMICA公主主題水晶車，簡直就好似置身於童話世界當中，事不宜遲，即刻為你介紹8大打卡位！

今個聖誕，TOMICA 以迪士尼人氣公主為靈感，按照佢哋各自嘅個性設計出唔同嘅水晶車外型，打造「心心眼車隊聯盟」。

打卡位1：白雪公主 X 紅蝴蝶水晶座駕

以白雪公主最經典嘅藍黃色作為水晶車身，配上超吸睛嘅鮮紅色蝴蝶結，成為白雪公主獨有嘅座駕。而水晶車周圍亦有擺放相關佈置裝飾，當中梗係包括經典大紅蘋果啦～

打卡位2：長髮公主 X 夢幻紫水晶馬車

由紫色同粉紅色配搭而成嘅馬車，充滿神秘感，就好似長髮公主一樣咁耐人尋味～喺璀璨夜燈與奇幻花卉簇擁下，更顯懾人魔力。

打卡位3：睡公主 X 玫瑰粉水晶馬車

呢個可以話係高貴感滿分嘅代表，以鮮嫩櫻花粉紅為主調，充滿浪漫少女氣息～再加上周圍嘅巨型紅玫瑰裝飾襯托下，特別有高雅氣質～

打卡位4：愛麗絲 X 迷霧藍水晶座駕

霧感藍色加白色嘅車身，配上黑色蝴蝶結車頂設計，周圍係大人國紙牌、象棋同小磨菇等等嘅裝飾，好似真係進入咗夢遊仙境咁呀！

打卡位5：5米高夢幻光影打卡堡壘

除咗一架架公主水晶車，仲有超過5米高嘅「夢幻光影打卡堡壘」打卡位，巨型米奇標誌式大耳朵，行入堡壘，會發現激閃巨型鑽石閃閃發光，仲可以喺鏡房內隨意影出零死角嘅公主相，透過光影交錯，影出嚟嘅相，特別充滿迷幻仙氣㗎！

打卡位6：2021年經典米奇皇室轎車

相信係TOMICA車迷最期待嘅畫面之一！2021年經典米奇皇室轎車驚喜亮相，以霸氣嘅皇家藍配尊貴而低調嘅白色轎車車身，典雅莊重同時帶有時尚魅力。記得坐上復刻皇家寶座，同呢個經典車款打卡啦！

打卡位7：揸名貴古董車兜風！於4米高光影噴泉邊穿梭

淨係打卡邊夠㗎？梗係要揸埋一份啦！想一嘗揸古董車嘅滋味，就要坐上呢個名貴電動古董嘅駕駛座，喺奇幻光影大道上駕駛，飽覽沿途風光，沿路仲有逾4米高嘅光影噴泉，非常吸睛㗎！

有興趣嘅朋友，參加方法好簡單，只要係The Point會員，並以1,000分積分，或即日以電子貨幣消費滿HK$400，即可參與乙次。

必搶！逾30款TOMICA會場限定車～

打完卡又點可以唔買返啲紀念品呢？仲要係當日會場限定車款，除咗有2款香港首度開賣車款之外，當然唔少得最新卡通車款——Disney Motors 「美女與野獸」同「反斗車王」系列等等！另外仲有少女心夢幻粉色系迪士尼公主首飾車，打開車身就變成首飾收納盒，雅緻又高貴！

各位The Point會員如果想獲得更多TOMICA精品，可以憑指定積分＋電子消費滿指定金額，就有機會換領限量TOMICA精品（數量有限，換完即止。）：

1. 4,000 The Point積分＋HK$500消費額：精選迪士尼公主首飾水晶車TOMICA DISNEY Motors Jewelry Way（其中一選）／TOMICA兒童餐具套裝（包括筷子、叉及匙羹）
2. 6,000 The Point積分＋HK$800消費額：TOMICA小童斜揹袋連水樽格
3. 6,000 The Point積分＋HK$900消費額：TOMICA小童背囊連可拆式安全手帶

快啲約埋朋友與一齊去，各位車迷千祈唔好錯過啦！

「TOMICA DISNEY MOTORS 聖誕夢樂園」
日期：即日起至2022年1月2日
地點：將軍澳東港城

Text: HolidaySmart Editorial
Photo Source: 東港城