港女不忿被軟飯男狠飛 卻因一句話令網民由同情變反感！

情侶唔AA，可能會令畀錢一方唔忿氣！近日，一名女網民到討論區發文，指自己剛被男友飛，就見到對方貼新女友照片，再表示過去大多洗費都由自己負責，令網民頗為同情，但之後卻因一句話令網民反感！

Photo from 《愛回家之開心速遞》 TVB

港女被男友狠飛，驚見對方立即換畫

最近，一名女網民（下稱樓主）到連登討論區以「係咪因為我太差，所以佢要搵第二個？」為題發文，表示自己最近與拍拖近兩年嘅男友分手，數日後驚見對方上載新女友照片。

Photo from 《單戀雙城》 TVB

拍拖洗費大多由港女支付

樓主表示，返全職嘅佢知道男友讀書同時兼職教波收入微薄，所以出街肯洗錢，並稱十次有九次與男友外出吃飯都係由自己埋單，「食壽司、打邊爐、食牛角，幾百蚊全部我俾。」

Photo from 《愛回家之開心速遞》 TVB

港女對ex好大手筆

樓主又透露，佢同男友交往了三個月時，已送了一對超過$600鞋子作對方生日禮物。到第二年生日，樓主訂了價值$1300連自助餐嘅酒店Staycation，再買了價值$400嘅手機殼，以及總值約$400嘅兩對Nike襪加一個袋；樓主為男友一年嘅生日共洗約$2100。

Photo from 《她她她的少女時代》 TVB

除此，樓主亦為二人撲演唱會飛，而男友買手機嘅部分費用都由樓主支付。就連男友嘅電玩遊戲、Apple music、Disney+服務都又樓主一人包辦。

Photo from 《愛回家之開心速遞》 TVB

相反，在拍拖兩年期間，男友對樓主最大嘅洗費就係交通費，「搭車搵我，每程小巴$17」，男方送過最貴嘅禮物就係某牌香水。

Photo from 《愛回家之開心速遞》 TVB

網民同情港女

對此，不少網民都同情樓主，形容佢男友「又食又拎」，又叫佢立即停止分享影音帳戶畀男友用。

Photo from 連登討論區

港女一句話反轉風向？！

不過，樓主講了一句話即令風向逆轉！佢直言：「我身邊啲朋友都話我帶佢見識咗好多嘢，我自己都係咁諗，我唔明點解佢夠膽同我講分手。」

Photo from 連登討論區

此話一出，即引嚟過百負評。不少網民著眼於「夠膽」兩字，又言樓主將每筆金錢付出都記得一清二楚，好似有種「對人好係恩典」嘅感覺，加上「夠膽」一詞觀感唔好；亦有網民指：「本身都有啲同情你，見到呢句覺得你真係幾差」、「要走洗唔洗膽呀，你當你邊個。」

Photo from 連登討論區

Photo from 連登討論區

Photo from 連登討論區

唔少人表示，雖然樓主男友確實食軟飯，但樓主當時係自願，付出唔係理所當然有回報，愛情亦唔應該用金錢衡量。

相關文章：港男交友APP約會被洗$2000 拖手即被女方鬧：「係咪有病？你性格有問題！」

相關文章：港女難忍男友樣樣計到盡！力數3大小家行為！AA制1個鐘內要收錢

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）